Video/ Shefi i rendit në Delvinë, i dehur kërcen valle

15:19 | 10/08/2018

Shefi i Rendit në Delvinë është filmuar bashkë me kolegët e tij në një festë, ku shfaqet i dehur dhe me një shkop në dorë. Për më tepër ai ishte i veshur me uniformën e tij të policisë. Videoja , e cila disponohet edhe nga ABC News, shfaq në disa momente të sikletshme të gjithë efektivët.

Uniforma e policisë është e shenjtë. Kështu janë shprehur krerët më të lartë të shtetit ndër vite në vendin tonë. Por nuk mund të thuhet e njëjta gjë në këtë rast.

Këto pamje që po ndiqni kanë mbërritur në redaksinë e lajmeve të ABC News, ku shihet shefi i Rendit në Delvinë me uniformën e tij të policisë. Me një shkop druri në dorë ai udhëheq vallen tradicionale të zonës, bashkë me disa nga vartësit e tij.

Ndoshta është një gëzim familjar ose shefi ndodhet jashtë orarit të punës, por për një drejtues policie është e papranueshme të ndodhet në një gjendje të tillë kur është i veshur me uniformën e Policisë së Shtetit.

“Policët që duam” duhet të jenë pa bark të fryrë. Shefi e plotëson këtë kriter. Por paska ca dëshira të tjera. Folklori, vallja e me to bashkë edhe pak raki.

Ja, ky qingj largohet nga vallja e ahengut të improvizuar. Me siguri do t’i bashkohet më vonë tryezës, por i shkuar në hell.

Prandaj dhe shfaqet për disa sekonda e vetmja femër.

Këto skena i kemi parë te filmi, “Përrallë nga e kaluara” bazuar në veprën e Çajupit.

Megjithëse një shekull më parë, tradita ruhet. I njëjti version i komedisë shfaqet edhe në ditët e sotme.

Këtë herë, me njerëz realë dhe me drejtues të policisë vendore të Delvinës.

Si punojës policie do dhe rregull. Nuk i pëlqen dridhja e vitheve të kolegut, prandaj një përkëdhelje me shkop e bind se valleja do ecë sipas ritmit dhe zakonit.

Shefi i “detyron” nën kërcënimin e shkopit të gjithë vallëtarët të ulen  përtokë. Njëri del nga rrjeshti dhe shkopi për këtë punë është. Por tani është tepër vonë, vallja ka kaluar në “Kala Dibrançe”. Fundja pse jo?! Edhe ajo e traditës është.  /abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono