Një panel elektrik në një qendër biznesi në bulevardin “Dëshmorët e Kombit” u përfshi në flake në orët e mesditës mesditës, duke shkaktuar panik në godinë dhe pranë saj. Ngjarja ndodhi në 12:40 në një prej godinave të njohura si “Dy kullat” pranë godinës së Kuvendit të Republikës.
Tymi i zi i dendur krijoi panik tek punonjësit e zyrave të qendrës së biznesit, kryesisht zyra avokatie dhe subjektesh tregtare, apo tek klientë të lokaleve të zonës. Pas mbërritjes së forcave të policisë dhe atyre zjarrfikëse u konstatua se flakët kishin përfshirë vetëm automatët e një panel elektrik në katin e 16 të godinës.
Zjarri u neutarlizua në pak minuta, duke minimizuar dëmet materiale dhe shmangur rrezikun e përhapjes së tij. Sipas dyshimeve të para, zjarri është shkaktuar për shkak të një tensioni elektrik./abcnews.al
