Zyrtari iranian u bën thirrje të rinjve të mblidhen në termocentralet e Teheranit për të protestuar kundër sulmeve

Një zyrtar iranian u ka bërë thirrje të rinjve të mblidhen rreth termocentraleve në të gjithë Teheranin për t’i dërguar një mesazh bashkësisë ndërkombëtare se “sulmi ndaj infrastrukturës publike” është një “krim lufte”.

“I ftoj të gjithë të rinjtë tanë, atletët, artistët, studentët, studentët e universitetit dhe profesorët”, tha Alireza Rahimi, sipas televizionit shtetëror iranian, i cili e identifikoi atë si sekretar të Këshillit Suprem të Rinisë dhe Adoleshentëve, shkruan NBC News.

“Mblidhuni për t’i thënë botës se sulmi ndaj infrastrukturës publike është një krim lufte”, shtoi ai.

Lufta e Shteteve të Bashkuara dhe Izraelit ndaj Iranit ka nisur më 28 shkurt.

Irani është kundërpërgjigjur me sulme me raketa me dronë kundër Izraelit dhe shteteve të Gjirit Persik, dhe në disa raste i ka shënjestruar forcat dhe asetet amerikane./abcnews.al