Loading ...
Kohë të trazuara për Shqipërinë, dhe jo vetëm, bëjnë BE të nxitojë. Këshilli i BE njofton se më 25 nëntor në Bruksel do të mbahet Samiti i radhes BE-Ballkan Perëndimor, dhe Presidenti Antonio Costa ka dhënë një mesazh të qartë se çfarë Brukseli synon, në këtë vjeshtë jo të lehtë të rajonit të vetem te kontinentit te lënë jashtë Unionit.
“E ardhmja e Ballkanit Perëndimor është në Bashkimin Evropian. Anëtarësimi i tyre është përparësia jonë, ambicia jonë e përbashkët dhe një investim i rëndësishëm gjeopolitik në këto kohë të trazuara. BE-ja është dhe do të mbetet partneri më i besueshëm i rajonit.”
Fakti është se Shqipëria ndodhet në një fazë kritike. Në ditën kur mbylli kapitullin e katërt të negociatave me BE, në konferencën e 10 ndërqeveritare në Luksemburg, në Tiranë plasi një protestë e dhunshme 10-ditore.
Kryeministri Edi Rama një ndër argumentet që ka renditur për arsyet e kësaj proteste, janë forca të huaja dhe lufta hibride që synon largimin e Shqipërisë nga rruga europiane, por nga ana tjetër Brukseli, me deklarata zyrtare të PE dhe KE, ka dënuar dhunën e protestuesve në Tiranë dhe ka rikonfirmuar ecurinë pozitive të Shqipërisë në rrugën drejt anëtarësimit në BE.
