Loading ...
Devijohet trafiku në autostradën Tiranë –Durrës.Autoriteti Rrugor Shqiptar njofton se për shkak të punimeve në datën 14 dhe 15 gusht nga ora 23:00 deri në 05:00 do të bllokohen dy korsi në drejtimin Tiranë-Durrës.
Gjatë këtij intervali, trafiku i mjeteve që lëviz drejt qytetit të Durrësit, do të devijohet në dy korsi të anës së parë të autostradës, të cilat do të funksionojnë përkohësisht si rrugë me dy drejtime lëvizëse.
Ndërkohë që mjetet me destinacion Aeroportin Ndërkombëtar të Tiranës do të vijojnë lëvizjen pa pengesë.
Kjo ndërhyrje po realizohet në vijim të punimeve për zgjerimin e Superstradës Tiranë-Durrës.
Autoriteti Rrugor Shqiptar thekson se është zgjedhur që punimet të realizohen pas mesnate për të shmangur krijimin e trafikut ndërsa kërkon mirëkuptimin e drejtuesve të mjeteve, bizneseve dhe banorëve të zonës.
