Policia e Lezhës ka vijuar aksionit për goditjen e veprimtarive kriminale në fushën e narkotikëve. Nga ky aksion i shtrirë në Lezhë, në dy fshatra përkatësisht në Rrabosht dhe në Gocaj janë zbuluar dy sera në të cilat ishin kultivuar 1 640 fidanë dhe bimë narkotike cannabis sativa.
Në pranga kanë rënë tre persona, Gjovan Gjini, Agustin Çotaj dhe Pashk Ndreca. Ndërsa dy të tjerë janë shpallur në kërkim, të përfshirë në këtë veprimtari kriminale.
Nga hetimet dyshohet se këta shtetas bashkëpunonin me 2 shtetasit që u konstatuan një ditë më parë, duke transportuar rreth 34 kg kanabis, për kultivimin, prodhimin dhe shitjen e kanabisit.
Në drejtimin e Prokurorisë vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë që mund të jenë të përfshirë. Ndërkohë, vijon puna për kapjen e shtetasve që janë shpallur në kërkim.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
/abcnews.al/
