Vllaznia e ka lënë pas atë humbje kundër Partizanit dhe ka triumfuar në Vlorë përballë Flamurtarit, me rezultatin 1-3. Të besuarit e Jonuz shënuan një gol në pjesën e parë dhe dy në të dytën, duke marrë tri pikë të rëndësishme, që e ngjet ekipin shkodran në vend të dytë.
Fillimisht, ishte Kruja ai që shënoi për Vllazninë. Pas një dalje të gjatë nga krahu i djathtë i Gligorov, krosimi vjen në qendër, aty ku Kruja nuk e ka të vështirë të shënojë me portën e boshatisur. Edhe pse e pa veten në disavantazh, Flamurtari arriti të reagojë dhe të barazojë shumë shpejt.
Hoxhaj gjuan me kokë pas një krosimi nga e djathta, por tentativa e tij ndalet nga Sherri. Megjithatë, topi i kthyer shfrytëzohet mjaft mirë nga sulmuesi Sukaj, që barazoi shifrat dhe çoi skuadrat në dhomat e zhveshjes në baraspeshë sa i takon rezultatit, por Deliaj ndëshkohet me karton të kuq në minutat e fundit të fraksionit të parë dhe lë skuadrën e tij me 10 futbollistë.
Në pjesën e dytë, Vllaznia arriti të përfitojë mjaft mirë nga superioriteti numerik. Jonuz e shtyu ekipin më përpara dhe si pasojë, goli i dytë erdhi. Një skemë shumë e bukur nga një goditje dënimi konkretizohet me gol me thembër nga Shtubina. Në sekondat e fundit, do të kishte kohë dhe për një gol të sulmuesit Da Silva, që i jep fitoren me rezultatin 1-3 Vllaznisë. Flamurtari pëson kështu një tjetër humbje, duke qëndruar në vend të fundit me vetëm 2 pikë./abcnews.al
KATEGORIA SUPERIORE – JAVA 9
E mërkurë, më 23 tetor 2019, 16:00
Stadiumi “Flamurtari”, Vlorë
Flamurtari – Vllaznia 1-3
Sukaj 34′ / Kruja 31′, Shtubina 72′, Da Silva 90′
FLAMURTARI: Moçka, Gocaj, Deliaj, Zeqaj, Pjeshka, Hoxhaj, Rrapaj (Vrapi 61), K. Nebihu, Muçollari, Ribaj (Vatnikaj 75′), Sukaj (Celaj 58′). Trajner: Dritan Sadedini
VLLAZNIA: Sherri, Gligorov, Gurishta, Malota, Ëalusimbi, Krymi, Ramadani, Kruja, Shtubina, Lika (Bardulla 56′), Zogaj (Da Silva 68′). Trajner: Mirsad Jonuz
GJYQTARË: Ardian Beqiri, Ermal Barushi, Redvan Shaba, Roxhers Muska
Kartonë të verdhë: Deliaj 35′ 44′, Ribaj 64′, Vatnikaj 80′, Gocaj 86′ / Ramadani 55′, Gurishta 74′
Karton i kuq: Deliaj 44′
