Loading ...
Numri i viktimave nga zjarri masiv që përfshiu rajonin e Andaluzisë, në jug të Spanjës, më 9 korrik, është rritur në 14, pasi një grua e shtruar në spital me djegie të rënda ndërroi jetë nga plagët e marra.
Gruaja, e cila po trajtohej në një spital në Sevilje, kishte djegie në rreth 70 për qind të trupit dhe ndodhej në kujdes intensiv. Autoritetet nuk kanë bërë publike identitetin apo kombësinë e saj, ndërsa mediat spanjolle raportojnë se gjendja e saj ishte kritike që prej ditës së zjarrit.
Sipas autoriteteve, zjarri shpërtheu nga një kabllo elektrike përgjatë një autostrade në zonën e Los Gallardos, në provincën e Almerías. Flakët u përhapën me shpejtësi, duke avancuar deri në 100 metra në minutë dhe duke bllokuar disa persona brenda automjeteve të tyre.
Ky konsiderohet zjarri më vdekjeprurës në Spanjë në dy dekadat e fundit. Pothuajse të gjitha viktimat ishin shtetas të huaj, kryesisht nga Britania e Madhe dhe Belgjika.
Ndërkohë, Spanja vazhdon të përballet me zjarre të tjera të mëdha që kanë shkrumbuar qindra mijëra hektarë tokë, megjithëse pa viktima të tjera. Autoritetet janë në gatishmëri të lartë, pasi Agjencia Meteorologjike Spanjolle (Aemet) ka paralajmëruar një valë të re të nxehti që pritet të nisë të mërkurën dhe të zgjasë deri të dielën, duke rritur rrezikun “ekstrem” për shpërthimin e zjarreve.
🚨🇪🇸 Spain’s deadliest wildfire
A massive wildfire that erupted near Los Gallardos and spread toward Bédar, Andalusia
11+ people killed, with 19 still missing as the search continues
~1k residents were evacuated
Spain has already lost ~57k hectares#Spain #Wildfire #sstvi pic.twitter.com/Xz97Vm1uwu
— GlobeUpdate (@Globupdate) July 10, 2026
🚨اندلاع حريق غابات واسع بإقليم الأندلس جنوب إسبانيا أسفر، وفق أحدث الحصيلة، عن مقتل 12 شخصًا وفقدان 19 آخرين، في أخطر حرائق الغابات بتاريخ إقليم الأندلس، وسط استمرار عمليات الإطفاء والبحث بمشاركة وحدة الطوارئ العسكرية.#Spain #Wildfire #Andalusia pic.twitter.com/QoEXiWzzXJ
— طقس_العالم ⚡️ (@Arab_Storms) July 10, 2026
