VIDEO/ Klasike dramatike, Dunga hakmerret! Ngec Teuta, barazim edhe në Elbasan

Dy barazime pa gola dhe një klasike që pati 5 gola dhe fituese nxori Vllazninë me rezultatin 3-2. Një ndeshje dramatike që i pati të gjitha, edhe hakmarrjen e Ismael Dunga, i cili shënoi në minutën e shtatë shtesë kundër ish-ekipit të tij.

Herald Marku ishte ai që zhbllokoi ndeshjen, që në pjesën e parë, ndërsa të dytën bardheblutë e nisën me gol. Ernest Muçi vendosi baraspeshën, por nga ana tjetër shkodranët u kundërpërgjigjën shpejt. Marku realizoi edhe golin e dytë.

Zogovic, në një ditë jo, bëri një dalje të pa studiuar dhe Sasraku provoi golin në Superiore. 2-2 dhe u duk se ndeshja po shkonte në barazim. Gjithsesi Vllaznia e gjeti zgjidhjen nga stoli. Ismael Dunga, atëherë kur nuk e mendonte kush fitoren, shënoi dhe ndëshkoi Tiranën për të tretën herë.

TAKIMET E TJERA – Partizani ishte më kërkues ndaj Laçit dhe pati disa mundësi të mira shënimi, por në fund ndeshja u mbyll në barazim 0-0. Të kuqtë bënë lojën, kurse në krahun tjetër u pa një Laç që në asnjë mënyrë nuk donte të humbiste. Në fundin e pjesës së parë Partizani pretendoi edhe për një penallti. Sa i takon Nëabueze, Partizani e bllokoi mirë dhe sulmuesi nuk ishte i rrezikshëm për portierin Alban Hoxha.

Në Durrës u zhvillua një lojë mjaft e bukur, por nuk pati gola. Teuta u mundua shumë që të dilte me pikët e plota, por në shtëpi nuk po i ecën. Pas barazimit me Skënderbeun, tani barazuan 0-0 me Kukësin. Verilindorët, edhe pse me shumë mungesa, treguan karakter dhe me Lieria mund të kishin shënuar në dy raste. Në një rast trau e shpëtoi portierin Frashëri. /abcnews.al

KATEGORIA SUPERIORE – JAVA 3
E shtunë, më 21 nëntor, ora 16:45

Vllaznia-Tirana 3-2
Shënues: Marku 28′ (pen.), 50′, Dunga 97′ / Muçi 47′, Sasraku 63′
Teuta-Kukësi 0-0
Partizani-Laçi 0-0