VIDEO | Atletico zhvillon ndeshjen perfekte, Saul Niguez thyen kampionët

22:53 | 18/02/202022:530

Atletico Madrid tregoi edhe njëherë se transformohet në mbrëmjet e mëdha dhe mbetet një nga skuadrat më të vështira në planet për t’u mundur. Djemtë e Diego Simeones fituan përballë Liverpool, skuadrës më të fortë në botë.

Sfida e parë për një vend në çerekfinalet e Champions League u zgjidh shumë shpejt. Saul Niguez shënoi në minutën e katërt dhe në “Wanda Metropolitana” nisi festa. Kampionët në fuqi nisën ofensivën, por Atletico rrezikoi me Moratën.

Spanjolli u ndal nga Allison, teksa Momo Salah humbi një rast të pastër në minutën e 35-të. Pjesa e dytë nisi nën dominimin e “The Reds” dhe mbrojtjen e fortë të vendasve. Salah dështoi sërish të shënonte në minutën e 53-të, teksa në fund tentoi edhe kapiteni Henderson.

Në fund 1-0 për “Colchoneros”, që arritën rezultatin që dëshironin. Liverpool duhet të bëjë diçka më shumë për të rikthyer rezultatin dhe për t’u kualifikuar në çerekfinale. Takimi i kthimit luhet në “Anfield” me datë 11 mars, aty ku pritet të zhvillohet një përballje tepër e fortë dhe spektakolare.

Atletico Madrid-Liverpool 1-0
(Saul Niguez 4′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono