Loading ...
Shqipëria është duke u përballur me valën e dytë të koronavirusit duke numëruar mesatarisht 400-500 të prekur në ditë. Rrjedhimisht, spitalet janë ngarkuar duke bërë që një pjesë e pacientëve, me simptoma më të lehta të trajtohen paraprakisht në spitalet e rretheve.
Gazetarja e ABC, Ledjona Xheladinaj u fut në Sanatoriumin e Korçës duke raportuar prej andej situatën e të prekurve nga koronavirusi.
Njëra prej të shtruarve tregon për ABC se si zbuloi se ishte me koronavirus, ndërkohë që kishte shkuar tek mjeku me simptoma ftohjeje.
Gruaja rrëfen se u konstatua se kishte koronavirusi prej skanerit, ndërsa shton se është në gjendje të stabilizuar shëndetësore.
Aktualisht, në Sanatoriumin e Korcës janë të shtruar 12 pacientë me koronavirus, gjendja e të cilëve është nën kontroll. /abcnews.al
