Vajzat në palestër, frika e tyre? Mos dukemi si burra! Çifti i njohur, nga martesa tek crossfit

schedule18:42 - 20 Tetor, 2021

schedule 18:42 - 20 Tetor, 2021

Era dhe Egli Dankshi janë partnerë në jetë, por edhe në profesion. Të ftuar në ‘Abc e Pasdites’ me Ermal Peçin, Era dhe Eglin ndan historinë e tyre të dashurisë. “Nuk jemi njohur në palestër. Jemi njohur nëpërmjet një shoqeje.” – tha Era teksa theksoi se nuk kishte rëndësi për të nëse Egli kishte një fizik të mirë, koment i cili u pasua nga Egli me nota humori që shprehu se “për mua duhet të ishte një femër që merret më palestër”.

Era së fundmi fitoi dhe një nga kompeticionet më të rëndësishme të crossfit në Tiranë me shifra rekord në përfundimin e sfidës së caktuar. Megjithatë karriera e saj sportive ka nisur që në moshë të re, ku ajo ka qenë pjesë e cirkut të Tiranës për rreth 10 vite si akrobate. Pas kësaj eksperience tashmë të lënë pas, Era i është dedikuar tërësisht crossfit.

Nuk mund të lejmë pa përmendur faktin se çmimi i Erës erdhi vetëm pak muaj pas ardhjes në jetë të fëmijës së tyrë të parë. Por ndonëse ajo e cilësoi si një “stres më vete”, ish akrobatja shtoi:

“Ky është një stres më vete, por unë ua sugjeroj të gjitha femrave aktivitetin fizik si gjatë shtatzënisë, por edhe para. Më e rëndësishëm është para të jenë marrë me aktivitet fizik që të kenë një shtatzëni sa më të lehtë. Direkt pas lindjes fillova stërvitjen.”

Por si është marrëdhënia e tyre jashtë kornizave sentimentale? “Ndonjëherë i ndryshojmë oraret që mos të jemi gjithë ditën bashkë.” – tha Era e qeshur, – “Jam unë që i them Elgit që mos të bëj asnjë ditë pushim. Mua më thotë si nuk u lodhe, bëje një ditë pushim. “

Teksa flisnin për rëndësinë e aktivitetit fizik në jetën e njeriut dhe mungesën e vullnetit, Egli shprehu se kjo është një ndër problematikat kryersor në nisjen e palestrës. “Djemtë nuk kanë vullnet. Ka rënë miti i vajzave në palestër, janë të dedikuara.” – tha Egli.

“Kam shumë vajza, palestrat më shumë frekuentohen më shumë nga vajzat. Ka vajza të forta, unë dua t’i komplimentojnë. Kanë fuqi, vullnet. Kur vijnë për herë të parë, halli i vetëm është ‘nuk dua të bëhem si burrë’. U jap shembullin tim, u them unë jam si burrë? Se kam gjithë jetën që merrem me palestër.” – u shpreh Era. /abcnews.al