Loading ...
Detaje të reja janë zbardhur nga rasti i shtetasit grek që u dërgua i pajetë në spitalin e Sarandës.
Bëhet fjalë për 48-vjeçarin Pavllos Simeriontaqis nga Athina, i cili ndodhej në Shqipëri për tregti bashkë me disa persona të tjerë. Ditët e fundit kishin qenë në Fier dhe më pas në Konispol, nga ku pritej të largoheshin drejt Greqisë përmes Qafë Botës.
Sipas dëshmive të shokëve, ai nuk është ndjerë mirë dhe ka humbur jetën para nisjes. Mjekët bëjnë me dije se 48-vjeçari vuante prej vitesh nga diabeti. Trupi është dërguar në Institutin e Mjekësisë Ligjore në Tiranë për ekspertizë.
