Loading ...Mashtronte bizneset duke u paraqitur si punonjës i Inspektoriatit Kombëtar të Territorit, Autoritetit Kombëtar të Ushqimit e Tatim Taksave dhe përfitonte shuma që varionin nga 200 deri në 600 euro për çdo rast.
26 vjeçari Luciano Mahilaj u arrestua në finalizim të operacionit të ndërmarrë nga Seksioni për Hetimin e Krimeve Ekonomiko-Financiare, në bashkëpunim me Sektorin Operacional të Drejtorisë Vendore të Policisë së Gjirokastrës dhe Komisariatin e Policisë Sarandë.
Sipas policisë 26 vjeçari kishte mashtruar me shumë se 35 biznese në Gjirokastër, Tepelenë, Përmet, Vlorë, Himarë, Orikum, Fier, Berat etj.
Mahilaj u kap në flagrance duke marrë 56 000 lekë të reja nga një person në Sarandë.
Policia thotë se ra në gjurmët e tij pas denoncimit dhe bashkëpunimit të qytetarëve dhe drejtuesve të IKMT.
Materialet procedurale iu referuan Prokurorisë së Gjirokastrës për veprime të mëtejshme.
