Edhe studentët e Elbasanit kanë bojkotuar mësimin duke iu bashkuar kërkesave të shpallura nga studentët e Tiranës. Nga fakultete të ndryshme ata janë mbledhur e po protestojnë në sheshin para universitetit. Në këtë protestë nuk janë parë pedagogët, por politikanë të cilët kanë thënë se kanë shkuar aty me kërkesën e vetë studentëve. Një përfaqësi e vogël nga protestuesit është pritur në një takim nga zv/rektori i Universitetit, por protesta vazhdon. Sipas studentëve ata do të bojkotojnë mësimin deri në plotësimin e kërkesave të tyre. /abcnews.al
