Loading ...
Në një moment kur pritet që në të gjithë vendin të hapet zyrtarisht sezoni turistik në vend administrate tatimore ka hartuar një plan të detajuar për formalizimin e sektorit të turizmit.
Plani Sektorial i Turizmit për vitin 2026 synon që të kalojë nën lupën e kontrolleve të gjitha strukturat turistike duke nisur nga hotelet, apartamentet, agroturizmat, e deri tek stacionet e plazheve apo aktivitetet ujor.
Në fokus të planit me 8 pika të Administratës Tatimore është që të godasë evazionin dhe të formalizojë këtë sektor ndërsa një ndër objektivat kryesor është rritja e deklarimit të Tatimit në Burim si dhe rritje të të ardhurave nga Booking/Airbnb. Në kuadër të zbatimit të këtij plani, Administrata Tatimore do të realizoje kontrolle të targetuara, të bazuara në analizën e riskut dhe do të kërkojë ,deklarim të saktë dhe të plotë të të ardhurave;
Po ashtu një vëmendje e veçantë do t’i kushtohet deklarimit të punonjësve të angazhuar në aktivitet, si dhe zbatimin e pagave indikative si element në vlerësimin e riskut tatimor;
Administrata tatimore do të monitorojë edhe zbatimin korrekt të faturimit elektronik për çdo shërbim të ofruar.
Në këtë plan përdorimi inteligjencës artificiale dhe teknologjisë së avancuar për evidentimin e rasteve me risk të lartë.
Administrata Tatimore fton të gjithë tatimpaguesit, që operojnë në sektorin e turizmit të marrin masat e nevojshme për të siguruar përputhshmërinë me legjislacionin tatimor në fuqi, me qëllim shmangien e masave administrative dhe penalitetet që rrjedhin nga mosrespektimi i detyrimeve ligjore.
