Loading ...
Presidenti amerikan, Donald Trump thotë se homologu rus, Vladimir Putin ofroi ndihmë në luftën me Iranin gjatë një telefonate të sotme, konkretisht në lidhje me uraniumin e pasuruar.
“Ai më tha se do të donte të përfshihej në pasurim. Ai mund të na ndihmojë ta arrijmë atë.”
Moska më parë ka propozuar marrjen nën kontroll të rezervave të uraniumit të pasuruar të Iranit, duke pasqyruar rolin e saj në Planin e Përbashkët Gjithëpërfshirës të Veprimit të vitit 2015.
Trump nuk e përjashtoi shprehimisht mundësinë që Irani të dërgonte uraniumin e tij në Rusi, por sugjeroi se ishte më i interesuar në zgjidhjen e luftës në Ukrainë.
“Ai do të donte të më ndihmonte. Unë i thashë: ‘Para se të më ndihmosh, dua t’i jap fund luftës tënde’.”
Sipas ndihmësit të Kremlinit, Yuri Ushakov, Putin e paralajmëroi gjithashtu Trumpin kundër “pasojave dëmtuese” për “të gjithë komunitetin ndërkombëtar” nëse SHBA-të ose Izraeli do të riktheheshin në veprime ushtarake në Iran./abcnews.al
