Donald Trump tha se ai do të preferonte të kandidonte kundër zëvendëspresidentes Kamala Harris në vend të presidentit Joe Biden.
Trump sulmoi qëndrimet politike të Harris dhe tha se ajo është një “person i majtë radikal”.
“Ata mund të bien dakord ose jo. Nuk e di nëse do të pajtohen. Ajo nuk ka bërë një intervistë. Ajo nuk mund të bëjë një intervistë. Ajo mezi është kompetente dhe nuk mund të bëjë një intervistë, por pres me padurim debatet,” tha ai.
Harris u bë kandidatja zyrtare e demokratëve për presidente në fillim të kësaj jave pasi Biden njoftoi se nuk do të kandidojë për rizgjedhje muajin e kaluar.
Kjo është konferenca e parë për shtyp e ish-presidentit që kur Harris njoftoi se guvernatori i Minesotës, Tim Walz, do të jetë kandidati i saj./abcnews.al
