Trafik i “çmendur” në rrugën Fushë Krujë-Thumanë

schedule19:25 - 29 Korrik, 2019

schedule 19:25 - 29 Korrik, 2019

Prej disa orësh në aksin Fushë Krujë-Thumanë ka trafik të rënduar.

Situata është përkeqësuar gjatë orëve të mbasdites. Radhët e automjeteve janë kilometrike.

Gazetari i “ABC News” Ahmet Zani i cili ka ndjekur situatën në rrugë raporton se shkaku kryesor është ngarkesa në qarkullim.

Policia ka dalë në terren në disa pika, por e ka të pamundur të menaxhoje situatën.

Trafiku është krijuar nga fluksi i pushuesve dhe emigrantëve që kanë ardhur në Shqipëri për sezonin e verës.

Shumë drejtues të nervozuar nga pritja thyejnë rregullat e qarkullimit, duke dalë nga vargu e duke sjellë përkeqësim të situatës. Ata thonë për ABC News se kanë disa orë që presin në radhë./ABC News Albania 24/7