Rreziku për përshkallëzim të situatës në Lindjen e Mesme është shtuar, pasi këtë të shtunë, forcat e Republikës Islamike kanë kapur një anije mallrash të lidhur me Izraelin në ngushticën e Hormuzit.
Ministrja e Jashtme holandeze, Hanke Bruins Slot deklaroi se zhvilloi një bisedë telefonike me homologun e saj iranian, Hossein Amirabdollahian.
Përmes një postimi në rrjetet sociake, Bruins Slot theksoi se Amirabdollahianit i ka thënë se Irani nuk duhet të sulmojë Izraelin dhe duhet të ndërmarrë veprime për të shtensionuar situatën.
“Gjatë bisedës shpreha shqetësimet e mia të mëdha për anijen që u rrëmbye në ngushticën e Hormuzit dhe se këto lloj veprimesh duhet të ndalen”, thuhej ndër të tjera në deklaratën e ministres të postuar në X.
Today I called the Iranian Foreign Minister Hossein Amir-Abdollahian to express my grave concerns about Iranian threats to Israel. I made it clear to my Iranian counterpart that Iran should not attack Israel and should take actions for de-escalation. 1/2
— Hanke Bruins Slot (@HankeBruinsSlot) April 13, 2024
Ndërkaq, Shtetet e Bashkuara të Amerikës kanë vendosur anije luftarake në pozicione për të mbrojtur jo vetëm Izraelin, por forcat e veta në Lindjen e Mesme, mes shqetësimeve në rritje se Irani mund të nisë një sulm të drejtpërdrejtë ndaj shtetit hebre./abcnews.al
