Paraditen e së enjtes në orën 09:26 minuta në rrugën “Vath Koreshi” pranë zonës së tregut elektrik, një shtetas me inicialet K.K ka gjuajtur me armë zjarri zhurmuese në ajër dhe më pas është larguar nga vendngjarja.
Sipas njoftimit të policisë, shtetasi është konfliktuar me një tjetër për motive të dobta dhe momentalisht po punohet për kapjen e tij dhe sqarimin e mëtejshëm të rrethanave të ngjarjes.
Në vendngjarje janë gjetur dhe sekuestruar nga forcat e policisë dy gëzhoja të qitura nga pistoleta zhurmuese e përdorur. Dyshohet se dy shtetasit janë konfliktuar për shkak të bllokimit të rrugës së makinës.
Autori i dyshuar i ka kërkuar personit tjetër t’i hapë rrugën dhe kur është përballur me refuzimin, ka nxjerrë pistoletën dhe ka shtënë dy herë në ajër, duke u larguar menjëherë më pas./abcnews.al
