Ministria e Jashtme ruse ka akuzuar Ukrainën për sulmin në urën midis Rusisë dhe Krimesë, me përfshirjen e Britanisë dhe Shteteve të Bashkuara. Zëdhënësja e ministrisë Maria Zakharova tha se sulmi në urën e Krimesë është bërë nga regjimi i Kievit, por nuk dha prova për t’i mbështetur ato.
“Vendimet merren nga zyrtarët ukrainas dhe ushtria me pjesëmarrjen e drejtpërdrejtë të agjencive amerikane dhe britanike të inteligjencës dhe politikanëve”, tha ajo. Media shtetërore ruse citoi Komitetin Anti-Terrorist të vendit duke thënë se Ukraina sulmoi urën e Krimesë duke përdorur drone pa pilot në sipërfaqen e ujit.
Komiteti Hetues i Rusisë tha se “shërbimet speciale” ukrainase ishin përgjegjëse për sulmin dhe se kishte hapur një hetim penal./abcnews.al
