Skandali me sanitaren te COVID-2, hetim personelit mbi skemën, gati pyetja e mjekëve

schedule11:02 - 17 Janar, 2021

schedule 11:02 - 17 Janar, 2021

“ABC” zbulon detaje të reja nga hetimet në lidhje me skandalin që u zbulua pak ditë më parë te spitali “COVID-2” në Tiranë. Gazetarja e “ABC”, Glidona Daci mëson se Prokuroria e Tiranës ka shtrirë hetimet edhe mbi personelin mjekësor të spitalit Covid-2 “Shefqet Ndroqi” pas skandalit që u denoncua në “Stop” ku sanitarja Tire Alldervishi kishte zhvatur vajzën e nje pacienteje duke i marrë 8 milionë lekë për t’i shërbyer nënës së vajzës, por nuk i dha as bukë.

Organi i akuzës ka sekuestruar kamerat e sigurisë së spitalit për të parë se me kë kishte komunikim 58 vjecarja duke qenë se ajo nuk punonte si sanitare në pavionin ku ishte e shtuar pacientja që humbi jetën nga koronavirusi. Nga ana e prokurorisë janë sekuestruar edhe libri i shërbimeve për të parë se si ishin të ndara turnet dhe kush mjek dhe infermier ka pasur për detyrë të kujdesej për nënës e denoncueses.

Gjithashtu prokuroria ka marrë kartelën e mjekimeve që i janë bërë pacientes për ta krahasuar me recetat e ilaçeve që i janë bërë. Për të vërtetuar nëse i janë dhënë të njëjtat medikamente, që sanitarja i ka dhënë denoncueses.

Po ashtu prokuroria është duke administruar provat për të gjitha denoncimet e bëra publike. Organi i akuzës është duke këqyrur të telefonatat e të tre grave për të faktuar nëse kemi të bëjmë me një skemë të mirëfilltë zhvatje. Pas kryerjes së këtyre verifikimeve organi i akuzës do të nisë me marrjen në pyetje të mjekëve dhe infermierëve./ db/Abcnews.al