Kosova pritet të shkojë në zgjedhje të parakoheshme. Deputetët votuan sot për shpërndarjen e parlamentit, ndërsa tani i takon Presidentit Thaçi që pas konsultimeve me partitë të shpallë datën e zgjedhjeve të reja.
Me rreth gjysmë ore vonesë ka nisur seanca e Kuvendit të Kosovës ku pritej të votohej shpërbërja e parlamentit. 89 deputetë votuan për shpërndarje të parlamentit, 1 kundër derisa 2 të tjerë abstenuan.
Kjo legjislaturë ishte arenë konfrontimesh pozitë-opozitë për të ruajtur ligjshmërinë e kushtetuetshmërinë e Kosovës e jo për të avancuar politikat në interesat e qytetarëve. Qeveria PAN do të mbetet në histori si qeveria më e madhe në botë.
Këto zgjedhje janë për t’i dhënë një legjitimitet të fuqishëm qytetarëve, të rinjve, grave në luftën kundër korrupsionit dhe perspektivën e modernizimit të shtetit tonë.
Në ditën e sotme duhet ta kuptojmë jemi fitues si Kosovë sepse ka dërguar një sinjal të pjekurisë politike.
Mendoj se qeveria e ardhshme nuk do duhej të merrej me vendime të mëdha si Demarkacioni me Malin e Zi, që fali toka Kosovës e nuk na i solli vizat por do te duhej të merrej me punë të mëdha që janë luftimi i krimit dhe korrupsionit.
Kosova përfundimisht shkon në zgjedhje të jashtëzakonshme pas dorëheqjes së Ramush Haradinajt nga posti i kryeministrit. Legjislatura e shpërbërë sot njihet si më e dobëta në historinë e Kuvendit të Kosovës.
Gazetare e ABC News: Blerta Dalloshi Berisha
/ABC News Albania 24/7
