parlamenti

ruciiii.jpg
eri Ida11:43 | 06/03/2020

Kryetari i Kuvendit Gramoz Ruçi këtë të premte është takuar me homologun e të Austrisë, z. Wolfgang Sobotka ku ka komentuar marrëdhëien e tij me presidentin Ilir Meta.

Kryeparlamentari Ruçi i pyetur nga gazetarja e abcnews.al Esiona Konomi për situatën ku është përfshirë Presidenti i Republikës në raport me qeverinë, të cilën e akuzon për grusht shteti ndaj institucioneve kushtetuese.

“Marrëdhëniet e mia me presidentin nuk ka pse të shpik rrotën i ka përcaktuar qartë Kushtetuta e Shqipërisë. Parlamenti një nga funksionet kryesore është ai legjislativ të bëjë ligjet, siç presidenti ka të drejtë të kthejë ose dekretojë ligje. Secili institucion është sovran si parlamenti dhe presidenti për dekretet që miraton apo kthen për rishqyrtuar në kuvend. Këto të fundit parlamenti do i shqyrtojë dhe unë flas me votën time në Kuvend” u shpreh Ruçi.

Gjithashtu Ruçi tha se Meta është i mirëpritur në Kuvend pasi e detyron Kushtetuta ta mirëpresë.

Ndërkohë nga ana tjetër kryeparlamentari i Austrisë është shprehur se është e rëndësishme që për të bërë përpara me sfidat palët politike duhet të gjejnë kompromis.

Pyetje & përgjigje:

Zoti Sobotka a është klima politike dhe marrëdhënia e tensionuar mes presidentit dhe mazhorancës një arsye për të na rrezikuar negociatat?

Padyshim se përsa i përket procesit të integrimit është e rëndësishme që të ketë një përfaqësim të unifikuar si nga ana e qeverisë ashtu edhe opozita. Kjo gjë di që është bërë që në janar ku është folur për reformën zgjedhore janë bërë disa marrëveshje ku në mars pritet që të arrihet dhe marrëveshja përfundimtare. Sigurisht se problemin mes partive opozitare dhe qeverinë e kanë të gjithë shtetet , pikpamje të ndryshme për çështje të ndryshme. Por unë mendoj se kur bëhet fjalë për një çështje të interesit kombëtar dhe në një nivel të tillë të dy palët do të gjejnë rrugën e duhur siç mendoj se do e gjejnë dhe në Shqipëri. Parlamentet jan ëvende dialogu dhe diskutime dhe ka raste kur ngrihen zërat por e rëndësishme është të respektohen të drejtak kombëtare. Është një proces i ndërlikuar dhe ndeshet në shumë vende nuk është vëte në Shqipëri.

Zoti Ruçi cila është përgjigja e kryetarit të parlamentit të Shqipërisë pas ultimatumit të presidentit që pas 15 marsit do të shpërndaje parlamentin nëse mazhoranca nuk reflekton?

Si kryetar i parlamentit të Shqipërisë në emër të deputeteve të palramentit fokusi në tre çështje kryesore: e para hapja e negociatave me BE, e dyta vazhdimi i reformave veçanërisht e drejtësisë dhe zgjedhore dhe e treta pas suksesit në konferencën e donatorëve implimentimi sa më shpejt dhe në mënyrë transparente të rindërtimit nga pasojat e tërmetit të nëntorit 2019. Marrëdhëniet e mia me presidentin nuk ka nevojë të shpik rrotën i ka përcaktuar Kushtetuta e Shqipërisë. Parlamenti një nga fuksionet ka atë legjislativ dhe ashtu si presidenti që ka të drejtën e kthimit apo dekretimit të këtyre ligjeve. Secili institucion është sovran për detyrën e tij.

I tillë është dhe dy dekretet e fundit kuvendi do i shqyrtoje me shumë vëmendje  dhe përgjegjshmëri brenda procedurave parlamentare dhe shumë mirë këto procedura përkojnë edhe me ardhjen e përgjigjes nga komisioni i Venencias dhe unë si kryetar parlamenti do të flas me votë dhe qëndrim në parlament.  Së dyti mua më oblikojnë nenet e kushtetutes që të pres presidentit sa herë që ai dëshiron që të vizitojë parlamentin dhe do të mirëprisja çdo mesazh të tij që do i drejtojë me shkrim parlamentit. /abcnews.al

1568885444_maliqi.jpg
eri Ida19:46 | 18/02/2020

Deputeti i opozitës parlamentare Lefter Maliqi mbron idenë për shpërndarjen e Parlamentit, duke e cilësuar këtë si një domosdoshmëri jetike për fatet dhe mbrojtjen e Kushtetutës.

Përmes një postimi në rrjetin social Facebook, deputeti shkruan se do e vlerësonte maksimalisht aktin sublim ne sherbim te interesave te Shqiperise, te demokracise, shperndarjen e ketij parlamenti laraman, pa dinjitet dhe keqdashes ndaj interesave te shqiptareve e Shqiperise.

Ndër të tjera Maliqi thekson se zgjedhje po afrojnë, ndërsa shton se nuk do të jetë një betejë për forcat politike, por për të mbrojtur Kushtetutën dhe demokracinë në Shqipëri.

Postimi i Plotë:

Me sa duket ora finale po afron, verdikti si gjithmone qe nga lashtesia deri tani do i takoj sovranit. Sovrani eshte ai qe ka vendosur dhe ai qe do vendos tani. Do vlersoja maksimalisht aktin sublim ne sherbim te interesave te Shqiperise, te demokracise, shperndarjen e ketij parlamenti laraman, pa dinjitet dhe keqdashes ndaj interesave te shqiptareve e Shqiperise.

Nuk ka ndodhur dhe kam bindjen qe nuk do te ndodh as ne te ardhmen qe kuvendi i sovranit aty ku thirren burrat e mencur per ta cuar perpara Shqiperine tone te veproj me bindje ne sherbim te interesave oligarkike te nje grushti njerzish, prandaj shperndarja e parlamentit eshte e vetmja rruge per ta kthyer Shqiperine ne shinat e demoktacise, ne zgjedhje te lira e pluraliste nga Sovrani.

Gjithsesi si antar i ketij parlamenti jam munduar me sa kam pasur mundesi qe te denoncoj hapur cdo afere, uzurpim, mosqeverisje te grupeve te caktuara qe kane pushtuar qeverisjen e Shqiperise. Vlersimin per kete e jepni ju te respektuar elektorat, popull, motra e vellezer qe si asnjehere tjeter jemi te rraskapitur e drobitur, te rrenuar e keqtrajtuar. Mos e humbni shpresen, ajo po vjen shpejt.

Dita e bardhe e zgjedhjeve po afrohet nxitimthi, prandaj me mencurine, zgjuarsine, ndershmerine tuaj, mos u mashtroni, mos u joshni nga aktrimet e Rilindjes por te jeni rreth bashkuar me opoziten shqiptare per te larguar kete te keqe te madhe. Sot si asnjeher tjeter nuk eshte betej per forcat politike por betej per mbrojtje e Kushtetutes dhe per Shqiperin Demokratike.Gjithmone me ju dhe zeri juaj Lefter Maliqi./abcnews.al

6654777.jpg
So Nila09:11 | 17/01/2020

Kandidatura e Presidentit Vladimir Putin për kryeministër të vendit, Mikhail Mishusti është mbështetur nga shumica në parlamentin rus.

Duma Shtetërore, dhoma e ulët e parlamentit rus votoi 53 vjeçarin Mikhail Mishustin, i cili nuk ka pasur pothuajse fare karierë politik, me 383 vota pro nga 424 që votuan gjithësej. 41 ligjvënës abstenuan ndërsa nuk pati asnjë votë kundër.

53 vjeçari Mishustin, i cili ka drejtuar shërbimin kombëtar të taksave e ka luajtur hokej në akull me zotin Putin, tha se do të zgjedhë kabinetin e tij në një të ardhme të afërt. Menjëherë pas votimit në parlament zoti Putin nënshkroi dekretin duke e emëruar atë si kryeministër të vendit.

Ngjitja e tij në politike është pjesë e një “shkundje” të përgjithshme të sistemit politik të njoftuar nga zoti Putin të mërkurën, që çoi në dorëheqjen e Dmitry Medvedev nga posti i kryeministrit së bashku me qeveria e tij./abcnews.al

kuvendi-1280x713.jpg
nev ila09:25 | 18/12/2019

Seanca e sotme parlamentare ka gjithsej 22 pika në rendin e ditës për diskutim, 7 prej tyre janë më kryesore ndërsa mes tyre edhe “paketa antishpifje”.

Më e përfolura ditët e fundit është edhe paketa antishpifje pasi ka hasur në kundërshti të shumta. Për këtë arsye Kuvendi ka bërë disa ndryshime dhe ka ndërhyrë disa herë për ti reflektuar ato.

Kreu i grupit parlamentar të PS Taulant Balla edhe mbrëmë njoftoi se ka bërë disa ndryshime e amendamente të cilat reflektojnë shqetësimet e gazetarëve.

Kryeministri Rama është shprehur i bindur se do ta kalojë këtë nismë ligjore në parlament ditën e sotme edhe pse  ky ligj është kundërshtuar nga Këshilli Europan.

Nga vëzhgimi i gazetarëve ditën e mbrëmshme përsëri nuk është ndryshuar pika ku AMA ka të drejtën e marrjes së gjobës përpara se të vendosë gjykata, edhe pas disa ndryshimeve që pretendohet se është reflektuar.

Ndërkohë grumbullimi i gazetarëve ka filluar dhe policia është vendosur përreth parlamentit për të garantuar hyrjen me qetësi të deputetëve ndërsa disa prej tyre kane preferuar të hyjnë nga dera anësore e Kuvendit për të evituar gazetarët.

Pikë me interes në diskutimet e parlamentit sot është edhe Buxheti i Shtetit i cili ka pësuar gjithashtu ndryshime për shkak të pasojave të tërmetit të 26 nëntorit.

Së pari ditën e sotme do të votohet në parlament shkarkimi i Arben Malajt ku ai do të mbajë fjalën e tij rreth 15 minuta. Po ashtu pritet të rrëzohen 2 dekrete të Presidentit Meta gjithashtu votohet edhe shtyrja e ligjit të emergjencës për shkak të pasojave të tërmetit deri në mars./abcnews.al

reforma-zgjedhore-1280x714.jpg
nev ila21:22 | 13/12/2019

Kuvendi nuk do të mundet që të miratojë brenda këtij viti reformën zgjedhore, edhe pse vetë kryeministri Edi Rama kishte lajmëruar se ndryshimet ligjore që lidheshin me rekomandimet e OSBE-ODIHR do të votoheshin në dhjetor.

Por pavarësisht kësaj ekspertët kanë hartuar draftin e tretë për reformën. Ajo që bie në sy është se ekspertët heqin Kolegjin Zgjedhor nga kodi dhe i drejtojnë ankimet në gjykatën administrative të apelit.

Një tjetër risi që është parashikuar tek faza e ankimeve, është zgjidhja e problemit me të cilin Partia Demokratike u përball në zgjedhjet e qershorit ku nuk kishte të drejtë të bënte ankim pasi nuk ishte regjistruar në zgjedhje.

Ndryshimet në Kod e lejojnë këtë gjë, edhe për parti që nuk janë të regjistruara në zgjedhje./abcnews.al

ilir-1.jpg
ger ta16:21 | 15/11/2019

Në konferencën e jashtëzokonshme për shtyp Presidenti Ilir Meta ka sqaruar edhe njëherë deklaratën e tij gjatë ditës së sotme, i cili tha se “parlamenti shpërndahet me një dekret”.

I pyetur nga gazetarët nëse deklarata e tij ishte emocionale kreu i shtetit u përgjigj: “Mendoj se jam shumë i qartë, garante e Kushtetutës e padiskutueshme e Republikës së Shqipërisë është Gjykata Kushtetuese, pastaj presidenti dhe kështu me radhë, por gjykata është mbi të gjithë. Parlamenti a shpërndahet me një dekret? Presidenti a shkarkohet nga një parlament legjitim dhe në fund e shkarkon Gjykata Kushtetuese. Qevereia a rrëzohet me një mocion mosbesimi? Këtu nuk luhet këtu është vijë e kuqe për të gjithë për cilindo, interesat kombtare dhe shtetërore sepse një gjykatë e zgjedhur në mënyrë mafioze kërcënon interesat kombëtare shtetërore. Nuk besoj se ka ndonjë në republikën e Shqipërisë që nuk e ka kuptuar.”/abcnews.al

444-1280x637.jpg
in a10:08 | 15/11/2019

Emri i Arta Vorpsit shkaktoi debate të forta mes KED-së dhe Presidencës, dy institucione këto, të cilat akuzojnë fort njëra tjetrën për keqinterpretime ligjore në lidhje me listën e anëtarëve të Gjykatës Kushtetuese.

Kuvendi zhvillon sot një seancë të jashtëzakoshme të thirrur dje nga Konferenca Kryetarëve me kërkesë të socialistëve menjëherë pas dekretimit të Marsida Xhaferllarit nga Presidenti Meta si Gjygjtare Kushtetuese.

Gazetarja, Esiona Konomi raporton për abcnews.al se seanca pritet të zgjasë rreth dy orë. Mazhoranca dhe Opozita do të diskutojnë mbi veprimin e Presidentit Meta dhe në fund pritet që Parlamenti të votojë një rezolutë të hartuar nga socialistët me dy kërkesa kryesore: I bën thirrje Gjykatës Kushtetuese të mos e njohin dekretin e Metës dhe gjithashtu i bën thirrje presidentit të mos bllokojë Reformën në Drejtësi./abcnews.al

parlamenti-britanik-1280x710.jpg
nev ila14:21 | 05/11/2019

Pasardhësi i Xhon Berkou në Mbretërinë e Bashkuar është Lindsei Hoil. Deputetët britanikë zgjedhin kryetarin e ri të parlamentit në një moment shumë të rëndësishëm politik për vendin.

Deputetët britanikë kanë zgjedhur laburistin Lindsei Hoil si kryetar parlamenti, për të zëvendësuas Xhon Berkou, i cili mbante postin prej 10 vitesh. I konsideruar si fitues që në fillim, deputeti 62 vjecar u zgjodh në raundine katërt të votimeve me 325 vota pro nga 540.

Ai do të ketë detyrën delicate për të drejtuar debatet për Brexit, dpara një parlamenti që do të marrë një pamje më të qartë pas zgjedhjeve të 12 dhjetorit.

Në raundin e parë të votimit kanë qendë shtatë kandidatë: katër grad he tre burra. Laburistja Meg hillier dhe konservatori Eduard Leig u përjashtian pasi morën më pak se pesë për qind të votave. Ndërsa Hoil ka marrë më shumë vota që në raundn e parë. Ai ka qenë zëvendës i Berkou që nga viti 2010.

Votimi për kryetarin e ri të parlamentit ishte i fshehtë, dhe kandidati fitues duhet të merrte mazhorancën absolute të votave, ndërkohë që në cdo raund votimi, kandidati më pak i votuar dhe ata me më pak se 5 për qind të votave eliminoheshin./abcnews.al

british-1280x853.jpg
ad min23:15 | 22/10/2019

Kryeministri britanik Boris Johnson tha sonte se qeveria do ta tërheqë legjislacionin që lidhet me marrëveshjen e arritur me Bashkimin Evropian për Brexit derisa Unioni të vendosë nëse do të shtyjë datën e planifikuar për shkëputjen e Britanisë, 31 tetorin.

Parlamenti në Londër hodhi poshtë planet e qeverisë për ta përshpejtuar miratimin e legjislacionit deri të enjten e javës se ardhshme. Pas këtij vendimi Johnson tha se do të bisedojë me vendet anëtare të BE-së dhe derisa ata të marrin një vendim do ta ndalet procesi i miratimit të ligjit.

Fillimisht u duk sikur Kryeministri britanik Boris Johnson kaloi një pengesë sonte kur ligjvënësit miratuan në parim projektligjin e tij për largimin e vendit nga Bashkimin Evropian.

Por një votim tjetër i parlamentit po këtë mbrëmje, për një afat të përshpejtuar të Brexit i prishi planet e tij për ta larguar Britaninë nga Bashkimi Europian më 31 Tetor./ABC News Albania

BRITANI-PARLAMENTI.mpg_snapshot_00.00-1280x720.jpg
nev ila10:52 | 22/10/2019

Nuk do të ketë një votim të dytë në parlamentin britanik për marrëveshjen për Brexit të arritur mes Londrës dhe Brukselit. Pas vendimit të kryetarit të parlamentit, kryeministri Xhonson e akuzoi atë se po mohonte vullnetin e popullit

Kryetari i parlamentit britanik Xhon Berkou refuzoi mocionin e qeverisë së kryeministrit Boris Xhonson për një votim të dytë të marrëveshjes së arritur për Brexit ne Bashkimin europian. Kryeministri britanik u shpreh i zhgënjyer nga vendimi duke akuzuar Berkou se po mohonte vullnetin e popullit.

Berkou nga ana e tij deklaroi se mocioni nuk mund të prezantohet në mënyrë identike nga Xhonson pas votimit të 19 tetorit për amendamentet e ish deputetit Letuin. Kryetari i parlamentit e cilësoi mundësinë e votimit të dytë si përsëritës dhe të parregullt. Më pas ai shtoi se shpresonte që vendimi dhe shpjegimi i tij të ishin të mjaftueshëm.

Konservatorët e cilësuan Berkou si ithtarin e kësaj ideje dhe kërkuan një komision për të diskutuar rolin e kryetarit të parlamentit. Berkou kundërshtoi akuzat duke thënë se interpretimi i rregullores nga ana e tij, në të kaluarën i kishte krijuar shumë hapësira dhe atyre që mbështesin Brexit.

Në këtë pikë qeveria britanike është në garë me kohën për të miratuar Brenda kësaj jave ligjet për daljen nga Bashkimi Europian dhe të riprezantojnë menjëherë marrëveshjen në një kontekst të ri. Alternativat janë dy: shtyrje e afatit ose dalja pa marrëveshje.

Ndërkohë grupi drejtues për Brexit, në Bruksel, është mbledhur për të diskutuar zhvillimet e fundit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono