Sven-Goran Eriksson është gati të rikthehet në stol. Tekniku i njohur suedez qëndron pushim prej 25 janarit të vitit 2019, moment kur i dha fund aventurës me kombëtaren e Filipineve.
Më parë ka fituar trofe me skuadra si Lazio, Roma, Benfica, Sampdoria dhe Goteborg (Kupa UEFA), teksa drejtoi edhe Anglinë në vitet 2001-2006.
73-vjeçari do të provojë një aventurë në Greqi. SportExpressen shkruan se Eriksson është shumë afër akordit me Sfk Pierikos, skuadër që garon në divizionin e dytë të futbollit grek. /abcnews.al
