Loading ...SHBA vlerësojnë të guximshme punen e SPAK dhe BKH si dhe bashkëpunimin me agjencitë amerikane të zbatimit të ligjit për të luftuar krimin e organizuar, terrorizmin dhe trafikun e drogës.
E Ngarkuara me Punë Nancy VanHorn dhe Kryeprokurori i Posaçëm i SPAK, Altin Dumani, u takuan për të diskutuar mbi këtë bashkëpunim.
Ambasada amerikane njofton se diplomatja e lartë Van Horn dhe kreu i SPAK diskutuan gjithashtu edhe mbi takimet e fundit të Z. Dumani në Uashington me zyrtarë të Administratës Trump në Departamentin e Shtetit dhe në Departamentin e Drejtësisë.
Ambasada thekson me tej se Shtetet e Bashkuara janë krenare që bashkëpunojnë me SPAK në përparësitë tona të përbashkëta për të goditur organizatat e rrezikshme kriminale ndërkombëtare që kërcënojnë sigurinë e Shteteve të Bashkuara dhe të Shqipërisë.
Kreu i SPAK, Dumani ishte disa ditë më parë në Uashington për një vizitë zyrtare ne Departamentin amerikan të Shtetit, ku u takua me zyrtarë të lartë dhe mori mbështetje për punën e përbashkët për goditjen e grupeve kriminale./abcnews.al
