TIRANË– Serbia do të blejë avionë ushtarakë modern nga Franca. Kjo u konfirmua nga Presidenti Aleksandër Vuçiç, gjatë takimeve që ka zhvilluar në Francë në ditën e dytë të vizitës.
Analisti Genc Burimi, tha se Serbia dhe Franca kanë prej tre vitesh, që kanë nisur negociatat për këtë çështje.
Ai theksoi se blerja e armëve dhe avionëve ushtarakë është një treg botëror dhe qartazi duket se ekziston një kompeticion mes forcave të mëdha.
“Jemi në një botë shitjesh o shqiptar. Ai blen avionë ku të dojë. Nuk besoj se do t’i blejë, nuk ka 3 miliardë dollarë se s’ka buxhet. Është treg botëror, është kompeticion Francë-SHBA.”, tha ai.
Dritan Goxhaj, ish-oficer tha se ndryshe nga Serbia, Kosova nuk mund të blejë armatime pa lejen e NATO-s.
“Kosova nuk mund të blejë asnjë armë pa leje”, tha ai.
Kapiten Artur Meçollari, tha se pjesa e armatimeve është çështje sigurie.
“Çështja e armatimeve është çështje sigurie”, tha ai./abcnews.al
