Sa na është afruar koronavirusi? Najada Çomo thotë se shërbimi spitalor është i përgatitur

schedule10:28 - 25 Shkurt, 2020

schedule10:28 - 25 Shkurt, 2020

Një një situatë ku Italia është e prekur nga koronavirusi dhe deri më tani 7 persona kanë humbur jetën, shefja e Shërbimit Infektiv në QSUT, Najada Çomo në studion e “ABC News”, me Juli Xhokaxhi theksoi se qytetarët nuk duhet të frekuentojnë vendet publike.

Sa na është afruar koronavirusi?

“Që në momentin që shpërtheu në Kinë u morën masat e para. Pra ardhja në Itali ka sjellë rritje të masave të cilat janë marrë sipas standardeve edhe sipas OBSH.

Meqënëse është Italia e prekur, çfarë masash kemi marrë në total? Është një ekip i madh që merret. Në vendin fqinjë janë bërë izolime përkatëse. Kemi kaluar në plan masash më të reja.

Nëse nuk ke lëvizuar jashtë Shqipërie nuk është e mundur të jesh infektuar. Për personat që vijnë nga Italia ka masa të shtuara”, u shpreh Çomo.

Çfarë vlere kanë masat sepse një njeri mund ta ketë marrë virusin dhe i shfaq shenjat pas 14 ditësh?

Çomo: Duhet marrë një informacion i detajuar. Nuk është vetëm aeroporti dhe këtu masat mbarojnë, është emergjenca e Tiranës, shërbimi infektiv të përgatitur për këtë situatë.

Njerëzit që vijnë nga zonat e infektuara do duhet të hyjnë në karantinë?

Çomo: JO, ka një problem që të gjithë këta udhëtarë pa pasur një nuk mund ta fusësh në karantinë. Izolimi i personit që është kthyer, do të thot֝, jo izolim total, por shmagje të kontakteve. Nuk mund të mbyllësh mijëra njerëz, nuk mund të rrijë i mbyllur nëse nuk ka pasur kontakte me persona të prekura./abcnews.al