| Kursimet e qytetarëve dhe biznesve po rientohen drejt monedhës kombëtare. Të dhënat e Bankës së Shqipërisë tregojnë se gjatë muajit tetor depozitat në lekë arritën në 604.3 miliardë lekë ose me një rritje prej 12.6 miliardë lekësh nëse e krahasojmë me një muaj më parë, ndikim kanë dhënë si depozitat e individëve po ashtu edhe ato të biznesve. Ndërkohë nëse shohim shifrat e depozitave për periudhën janar-tetor 2024 rezultojnë se kurasimet në lekë janë me një rritje prej 57 miliardë lekësh. Por e kundërta ka ndodhur me depozitat në monedhën europiane.
Gjatë muajit të kaluar kursimet e shqiptarëve janë ulur me gati 30 milion euro. Kjo është e parë që depozitat në monedhën europiane pësojnë ulje pas 8 muajve që kanë qenë në rritje të konsiderueshme. Shkak për këtë tendence duket se është edhe efekti i kursit të këmbimit. Aktualisht një euro po këmbehet në kufijtë e 98 lekëve një ndër më të ulëtit e regjistruar ndonjëherë. Por nëse bëjmë një krahasim të nivelit të depozitave në monedhën europiane me bazë vjetore rezultojnë se janë me rritje ndërsa pikun e kanë regjistruar gjatë muajve të verës kur edhe fluksi i turistëve është shumë i lartë. Për shkak të uljen së normave të interesit shqiptarët po orientohen tashmë drejt depozitave afatgjatë |
Depozitat ne euro
Tetor 2024 8.02 mld euro
Shtator 2024 8.05 mld euro
Depozitat ne leke
Tetor 2024 604,371 mld leke
Shtator 2024 591.767 mld leke./abcnews.al
