Loading ...
Një robot humanoid është shpallur fitues i një gjysmëmaratone të mbajtur të dielën në Pekin, Kinë, duke përfunduar shumë përpara pjesëmarrësve njerëz dhe duke thyer rekordin botëror.
Roboti autonom Shandian u shpall fitues pasi një roboti të telekomanduar, Lightning, i cili teknikisht kishte përfunduar i pari, iu mohua çmimi sipas rregullave të vlerësimit në fuqi të aktivitetit.
Përparim i madh në robotikë
Shandian-i autonom e përshkoi distancën prej 21 kilometrash në distriktin Yizhuang të Pekinit në 50 minuta e 26 sekonda, ndërsa Lightning-u i telekomannduar arriti kohën 48 minuta e 19 sekonda.
Por sipas rregullave të garës, të cilat përcaktojnë një ndryshim në pikëzim midis robotëve të telekomanduar dhe atyre autonomë, fitues u shpall roboti autonom Shandian. Kjo sepse kohës së robotëve të telekomanduar i shtohet kohë shtesë.
Kjo e bëri atë rreth nëntë minuta më të shpejtë se rekordi botëror i njeriut, të cilin e mban njeriu Jacob Kiplimo i Ugandës, i cili vrapoi me kohën 57:20 në Gjysmëmaratonën e Lisbonës në mars.
U thye rekordi personal
Mbi 300 robotë humanoidë morën pjesë në gjysmëmaratonë. Shumë prej tyre ranë ose u përplasën me barrierat gjatë rrugës. Megjithatë, krahasuar me garën e parë të vitit të kaluar, u regjistrua një përmirësim i dukshëm: atëherë, roboti humanoid fitues nuk e kaloi vijën e finishit deri pas 2 orësh e 40 minutash.
Numri i ekipeve të zhvillimit nga kompani dhe universitete ishte pesë herë më i lartë këtë vit.
Robotë valltarë dhe luftëtarë Kung Fu
Kina dominon tregun global të robotëve humanoidë dhe është e angazhuar në një garë teknologjike me SHBA-në. Ky sektori gëzon mbështetje shtetërore, dhe robotët ekspozohen në mediat sociale, në panairet tregtare dhe në galat televizive si valltarë, luftëtarë Kung Fu ose boksierë.
Gjysmëmarathona e Pekinit gjithashtu shërben si ekspozitë dhe, në të njëjtën kohë, inkurajon prodhuesit të testojnë dhe përmirësojnë produktet e tyre në konkurrencë të drejtpërdrejtë mbi një distancë më të gjatë.
Gjysmëmarathona si test qëndrueshmërie
Kina thekson se ndjek një qasje ‘të përqendruar te njeriu’ për zhvillimin e inteligjencës artificiale. Liu Xingliang, ekspert i ekonomisë digjitale të Kinës, shpjegoi se parashikon aplikime në sektorin e shërbimeve ose në botën shtëpiake, për të ndihmuar të moshuarit, ose në mjedise të rrezikshme si zjarret ose operacionet e shpëtimit.
Gjysmëmaratona mund të shërbejë si test qëndrueshmërie, thotë Lorenzo Masia nga Universiteti Teknik i Mynihut. Distanca e gjatë i detyron zhvilluesit të trajtojnë pengesat kryesore, si jetëgjatësia e baterisë, qëndrueshmëria e njësive të propulsorit, kontrolli në kohë reale dhe toleranca ndaj gabimeve.
