Loading ...
TIRANË-Greqia dhe Shqipëria rihapin detin. Ministri i mbrojtjes së Greqisë, Nikos Dendias kreu këtë të hënë një vizitë në Tiranë, për tu takuar me kryeministrin e Shqipërisë Edi Rama, homologun e mbrojtjes, Ermal Nufi dhe shefin e shtabit të përgjithshëm të FA, Arben Kingji.
Mediat greke e paralajmëruan vizitën disa ditë më parë, me arsyen e qartë, Dendias si i dërguar i kryeministrit grek Mitsotakis, synon të rifillojë negociatat për delimitimin e kufirit detar me Shqipërinë, me një marrëveshje për ta çuar në Gjykatë Ndërkombëtare.
Dendias është i njëjti nga pala greke, që në vitin 2020 asojkohe si ministër i jashtëm arriti paktin në Tiranë me kryeministrin e Shqipërisë, për ta çuar detin në një Gjykatë Ndërkombëtare.
Në 6 vite, për shkak dhe të acarimit herë pas here të marrëdhënieve bilaterale prej problemeve si Fredi Beleri, ngeci edhe deti. Por tani, një muaj pas takimit që shkriu akujt në Athinë, mes Ramës dhe Mitsotakis, Shqipëria dhe Greqia me partneritetin e ri strategjik, synojnë ti japin fund brenda këtij viti gjithë çështjeve të pazgjidhura, duke filluar nga deti./abcnews.al
