Loading ...
E moshuara e cila tashmë ka lënë spitalin, e shëruar nga COVID-19 është një nga katër rastet e para që rezultuan pozitiv ndaj koronavirusit në qytetin e Vlorës.
80-vjeçarja ishte shtruar në spitalin Infektiv në gjendje të rënduar, por tashmë ndodhet në banesë.
Në katër rastet e para me COVID-19 janë tre persona të shëruar dhe një prej tyre vijon të qëndrojë në Infektiv.
Gazetari Elton Nika tha për abcnews.al se situata do të ndiqet edhe në vijim. 80-vjeçarja do të qëndrojë në shtëpi 14 ditët e ardhshme, ndërsa numri i të prekurve mbetet në 5.
“Në fillim ishin katër rastet e para të një familje, ndërsa rasti i 5 ishte gruaja e cila humbi jetën dhe u mësua se kishte histori udhëtimi.
Në Vlorë janë bërë mbi 90 teste ndaj personave që kanë shfaqur shenja të COVID-19, por vetëm 5 prej tyre kanë rezultuar pozitiv. Duket se rastet janë të izoluara”, raportoi gazetari./abcnews.al
