“Qendrova në koma dhe tani kam jetën e dytë”, komandantja e policisë emocionon me historinë e saj

schedule22:13 - 23 Dhjetor, 2020

schedule 22:13 - 23 Dhjetor, 2020

Majlinda Brahja është një figurë shumë e njohur në radhët e policisë së shtetit. Prej vitesh me një karrierë të shkëlqyer e tashmë specialiste shërbimesh dhe komandante grupi në ruajtjen e objekteve të rëndësisë së veçantë, ajo këtë herë, e ftuar në “E ardhmja është vajzë” ndau një moment shumë të vështirë nga jeta e saj.

Në vitin 2006 teksa ishte në detyrë për të ruajtur një person me rëndësi të lartë hetimi, Linda pëson një aksident i cili fillimisht u mendua se ishte i qëllimshëm:

Duhet të lëviznim nga vendi ku ndodheshim për ta çuar familjen e këtij personi diku tjetër. Mu desh të kaloja rrugën për të marrë një qetësues dhe më vjen një makinë që po ecte shumë shpejt dhe më përplas duke më shkaktuar shumë dëmtime fizike. Vështirësia nuk qëndron vetëm në një mision të pambaruar por edhe tek fakti që unë qëndrova në koma për disa ditë. Kisha 17 të qepura në kokë dhe 4 thyerje në këmbë. E kam jetë të dytë këtë”, rrëfeu Brahja me lot në sy, duke treguar edhe një herë forcën dhe përkushtimin ndaj profesionit të saj./abcnews.al