Loading ...
TIRANË- Policia ka proceduar penalisht 31 persona për protestën e zhvilluar në bulevard, ku sipas autoriteteve janë konstatuar shkelje të rendit publik dhe bllokim i qarkullimit të automjeteve.
Sipas Policisë, ata dyshohet se kanë kryer veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe “Pengimi i qarkullimit të mjeteve të transportit”.
Autoritetet bëjnë të ditur se gjatë protestës është penguar lëvizja e mjeteve në segmentet e prekura.
Policia ka theksuar se hetimet vijojnë për të dokumentuar plotësisht rrethanat e ngjarjes dhe për të identifikuar çdo person të përfshirë në shkelje të ligjit./abcnews.al
