Protesta e opozitës serbe u përshkallëzua gjatë së dielës, kur qindra manifestues mbajtën të rrethuar Presidencën, duke bërë që të mos dalë dot Kreu i Shtetit Aleksandër Vuçiç. Ndërsa autoritetet arrestuan të paktën 10 persona pas protestës së të shtunës, ku turma e protestuesve hyri brenda godines se televizionit publik serb.
Policia serbe ka arrestuar dhjetë persona për shkak të futjes në godinën e Radio televizionit të Serbisë. Ata janë gjykuar me procedurë të shpejtë dhe kjo ka nxitur edhe më shumë situatën.
Dita filloi me premtimin e presidentit, Aleksandër Vuçiç, se dhuna nuk mund të tolerohet. Përveçse nuk negocion me opozitën, i quajti mashtrues, hajdut dhe fashist.
Aleksandër Vuçiç, President i Serbisë: “Kemi çuar në botë një pamje nga Serbia që nuk duam dhe kjo jo për fajin tonë. Të gjitha këto protesta as që janë paraqitur në polici, por ne i kemi toleruar deri në momentin kur nuk ka patur dhunë dhe këtu ju them të gjithëve është kufiri ynë”.
Protestuesit para Presidencës shpejt arritën të kalojnë barrierat dhe rrethuan me mur të gjallë presidencën duke i thënë Presidentit se nuk e kanë frikë. Për orë të tëra Vuçiç ngeli brenda Presidencës, para së cilës zhvillohej protesta. Pas pak dolën fotot e para ku Vuçiç lozte shah me Ministrin e tij të Brendshëm.
Arrestimet larguan protestuesit në drejtim të stacionit kryesor policorë. Vuçiç doli nga Presidenca pa shumë shqetësim.
Para stacionin policorë protestuesit kërkuan lirmin e të arrestuarve dhe disa herë pati përplasje dhe tensione, por pa incidente të mëdha. Presidentit i dhanë edhe një ultimatum.
Boshko Obradovic, Deputet lëvizjes “Dveri”: “Ju këtu jeni heronj të vërtetë dhe jo Vucic si frikacak. I japim ulatimatum që të gjithë të arrestuarit të lirohen deri nesër në orën 15 ose do të dalim sërish në rrugë nga të gjitha qytetet e Serbisë”.
Policia megjithatë nuk reagoj në kërkesat e tyre dhe protestuesit u larguan të qetë nga sheshi, përvec kësaj nëne të një të riu të arrestuar nga policia. /abcnews.al
