Vuçiç

14078739885e712e19e25c0768096036_v4_big-1.jpg
eri Ida08:15 | 18/03/2020

Në Serbi Deri më tani janë konfirmuar 83 raste pozitive me koronavirus. Presidentit të Serbisë, Aleksandar Vuçiç i është dashur të ndërmarr masa drastike, pas qytetarët e tij nuk po i përmbahen thirrjeve për të qëndruar në shtëpi.

Në një deklaratë për mediat vendase presidenti serb ka thënë se deri më tanie kanë pasur të pamundur sigurimin e një disiplinë të plotë për të zvogëluar numrin e të prekurve nga virusi korona.

“Që nga nesër në mëngjes, në 10 të mëngjesit, është absolutisht e ndaluar të dilni në zonën urbane për këdo mbi 65 vjeç dhe në zonat rurale mbi 70 vjeç. Ushtria serbe do të marrë përsipër të gjitha vendkalimet kufitare dhe qendrat e migrantëve dhe spitalet, dhe ajo duhet të jetë e armatosur sepse duhet të mbrojë mjekët” , ka thënë ai.

Kufijtë e Republikës së Serbisë janë të mbyllura për të gjithë shtetasit e huaj, përveç në raste të jashtëzakonshme. Lexoni kush mund të hyjë në Serbi. /abcnews.al

maska-covid-770x433-1.png
eri Ida09:50 | 16/03/2020

Shtatë raste të reja me koronavirus janë konfirmuar këtë të hënë në Serbi duke e çuar në 55 numrin e përjgjithshëm të personave të infektuar.

Ministria e Shëndetësisë e Serbisë  ka konfirmuar se deri mëngjesin e sotëm janë testuar 18 persona, 7 prej të cilëve kanë dalë pozitiv për koronavirus.

Tre prej tyre gjenden në izolim shtëpiak, kurse katër të tjerë janë ndaluar për mjekim në spital, pa komplikime, thuhet në njoftimin e Ministrisë së Shëndetësisë.

Ndërkohë presidenti Aleksandër Vuçiç ka shpallur gjendjen e jashtëzakonshme duke thënë se hapi ishte i domosdoshëm për të mbajtur funksionimin normal të vendit gjatë epidemisë së koronavirusit në rajon./abcnews.al

hashim-thaci-1280x768.jpg
eri Ida14:07 | 03/03/2020

Presidenti i Kosovës Hashim Thaci ka kërkuar një seancë të jashtëzakoinshme në parlamentin e vendit në 4 mars për të raportuar rreth vizitës së tij në Shtetet e Bashkuara të Amerikës dhe takimit me presidentin serb Vuçiç në Uashington.

Në shkresën zyrtare drejtuar Sekretarit të Kuvendit, Sekretari i Presidencës ka kërkuar që të bëhen të gjitha përgatitjet për mbajtjen e një seance në lidhje me këtë çështje.

Kreu i shtetit përmes një postimi në ‘Facebook’ kishte njoftuar për takimet e realizuara në SHBA dhe ishte shprehur i gatshëm të raportojë në Kuvend lidhur me ‘to.

Gjatë kësaj vizite, Thaçit i është bërë e qartë në Shtëpinë e Bardhë dhe në institucionet e tjera të larta në Uashington, se duhet të hiqet taksa plotësisht në mënyrë që t’i hapet rrugë marrëveshjes finale dhe përmbylljes së dialogut me Serbinë./abcnews.al

Vucic-Pompeo-536x411-1.jpg
eri Ida21:25 | 29/02/2020

Presidenti i Serbisë, Aleksandar Vuçiç do të zhvillojë një vizitë zyrtare në SHBA gjatë datave 1 dhe 2 mars.  Në këtë vizite kreu i shtetit serb pritet që të takohet me  Sekretarin amerikan të Shtetit, Mike Pompeo, dhe do të ketë takime të tjera me zyrtarë të lartë të administratës amerikane, e ku temë diskutimi do të jetë Kosova.

Mediat serbe, raportojnë se Vuçiç është  ftuar në Uashington nga Komiteti Amerikano-Izraelit për Çështjet Publike (AIPAC), në një takim që do të mbledhë rreth 18,000 pjesëmarrës e ku do të marrin pjesë edhe dy të tretat e anëtarëve të Kongresit Amerikan.

Para udhëtimit në SHBA, presidenti Vuçiç,  sot në mëngjes, ka thënë se në Uashington, përveç me sekretarin e shtetit, Pompeo, do të takohet me këshilltarin e presidentit për Sigurinë Nacionale të SHBA, Robert O’Brien, të dërguarin e SHBA për Ballkanin, Mattheë Palmer dhe të dërguarin Special të SHBA për dialogun Beograd-Prishtinë Richard Grenel, dhe siç tha ai “të gjithë ata që vendosin për Serbinë” .

Ai tha se nuk do ta ketë lehtë të bisedojë me amerikanët, por se në Uashington do të luftojë për një pozicion më të mirë të vendit të tij.

“Nuk duhet pritur që Shtetet e Bashkuara, as ndonjëri nga ‘lojtarët’ e  tjetër ndërkombëtarë do të ndryshojnë qëndrimin e tyre për Kosovën. Por ne mund të përpiqemi të marrim një pozicion tjetër në sytë e Amerikës, nga ai që ishte deri më tani. Këto do të jenë takime të rëndësishme për ne”, tha presidenti serb  para udhëtimit të tij në Uashington./abcnews.al

vuccc.jpg
eri Ida15:14 | 26/02/2020

Presidenti serb, Aleksandar Vuçiç është shprehur se deri më tani nuk ka asnjë person të konfirmuar si të dyshuar të prekur nga koronavirusi në Serbi.

Në një prononcim për mediat kreu i shtetit është shprehur se sistemi shëndetësor i Serbisë, është plotësisht i përgatitur për shfaqjen e mundshme të virusit.

Gjithashtu ai u ka kthyer përgjigje disa komentuesve në rrjetet sociale, se disa njerëz kishin vdekur tashmë nga koronavirusi në Serbi, ai ka deklaruar se kjo ishte gënjeshtër absolute dhe është i panevojshëm paniku./abcnews.al

josepborrelitelef.jpg
eri Ida16:43 | 21/02/2020

Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, pas bisedës telefonike me Vuçiç ka diskutuar me udhëheqësit e Kosovës lidhur me vendimin për të emëruar një Përfaqësues të Posaçëm të BE-së për Dialogun dhe Ballkanin Perëndimor.

“Përfaqësuesi i Lartë nënvizoi se ky emërim pasqyron rëndësinë që BE-ja dhe ai personalisht i kushtojnë stabilizimit të rajonit dhe përparimit në rrugën drejt BE-së. Josep Borrell kujtoi se ai mbetet personalisht i angazhuar dhe i përkushtuar fuqimisht për të mbështetur perspektivën evropiane të Ballkanit Perëndimor dhe për të luajtur rolin e tij si lehtësues i dialogut Beograd-Prishtinë’, thuhet në njoftimin nga zyra e Borrell.

Në këtë njoftim ndër të tjera bëhet me dije se Borrell ka theksuar se në këtë komunikim ka përditësuar diskutimin që ka pasur me udhëheqësit, gjatë vizitës së tij në Prishtinë dhe Beograd, në muajin janar.

Në Beograd, Borell kishte thënë se BE-ja duhet të angazhohet më shumë në marrëdhëniet midis Serbisë dhe Kosovës.

“Bashkimi Evropian duhet të emërojë një përfaqësues të posaçëm, i cili do të jetë shumë i angazhuar sepse unë nuk jam i sigurt se do të kem kohë të mjaftueshme për t’u angazhuar dhe për ta shtyrë dialogun përpara”, ka thënë Borell, pas takimit me presidentin serb.

Dialogu midis Kosovës dhe Serbisë është ndërprerë në fund të vitit 2018 kur Kosova u ka vënë taksë 100 për qind importeve të Serbisë dhe Bosnje Hercegovinës. Serbia e ka kushtëzuar rikthimin në dialog me heqjen e taksës, por Kosova përkundër thirrjeve të komunitetit ndërkombëtar vazhdon ta mbajë në fuqi këtë masë.

Ndërkohë në tetor të vitit të kaluar, presidenti amerikan, Donald Trump ka emëruar ambasadorin e SHBA-së në Gjermani, Richard Grenell, si të dërguarin e posaçëm për dialogun mes Kosovës dhe Serbisë./abcnews.al

vucic-2.jpg
Autor E10:56 | 18/02/2020

Presidenti i Serbisë Aleksandër Vuçiç deklaroi në një emisioni televizion në “TV Happy” mbrëmjen e djeshme se “një vend i madh europian kishte mbështetur vendosjen e taksës ndaj mallrave serbe që futen në Kosovë”, raporton abcnews.al.

Vuçiç nuk përmendi emër, por theksoi se kjo ishte arsyeja kryesore se përse Kosova insistonte në vendosjen e taksës ndaj mallrave serbe.

Presidenti serb tha se kundër taksës ishin edhe SHBA dhe vende të tjera, por mbështetja “e këtij vendi të madh europian” bëri që Kosova të mos tërhiqej. /abcnews.al

presidenti-vucic.jpg
Autor E16:42 | 17/02/2020

Kanë dalë shifrat e para të shteteve që kanë dhuruar para për rindërtimin e zonave të dëmtuara nga tërmeti.

Mësohet se Gjermania ka premtuar 11 milion euro, kurse Luksemburgu 250 000 euro, ndërsa interes ka patur për shifrën që do të jepte Serbia, nisur edhe nga deklarata e Presidentit Vuçiç në Tiranë, i cili tha se do të ishte një shumë e mirë.

Gazetarja Erisa Zykaj raporton se Serbia do të dhurojë 2 milion euro.

Italia ka premtuar 65 milion euro, kurse Franca, 100 milion euro për projekte zhvillimi, kurse 60 milion euro vetëm për Durrësin.

Ndërkohë, Suedia ka premtuar 5.6 milion euro, kurse Holanda dhe Danimarka japin respektivisht 3 dhe 2 milion euro.

Vijon…

auto_43377729-09D5-47A1-BDFA-D3FCD612377A_w650_r11581749368.jpg
eri Ida08:56 | 15/02/2020

Kryeministri i Kosovës, Albin Kurti, është shprehur se nuk e konsideron takim me presidentin e Serbisë, Aleksandar Vuçiç, pjesëmarrjen e përbashkët në një tryezë në Mynih.

Kurti ka thënë se nuk është takuar me Vuçiç pasi diskutimi është zhvilluar në margjina të Forumit Ndërkombëtar të Sigurisë, i cili nisi punimet të premten në Mynih, me pjesëmarrjen e rreth 35 udhëheqësve të shteteve dhe qeverive.

“Unë nuk jam takuar me Vuçiçin. Kemi qenë në një tryezë të rrumbullakët, ku kanë qenë të ftuar të gjithë udhëheqësit e Ballkanit Perëndimor”, tha Kurti.

Në një intervistë për Radio Evropa e Lirë, kryeministri i Kosovës është shprehur se në këtë takim presidenti serb ka qenë “i ashpër”. Ai ka theksuar se nuk dëshiron të japë detaje, duke u thirrur në rregullat e organizatorit të panelit, që nuk lejojnë të bëhen publike pikëpamjet e pjesëmarrësve (Chatam House Rules).

Gjithashtu Albin Kurti ka pranuar se ka pasur tensione në tryezën e rrumbullakët.

“Vuçiç ndjeu shumë presion për shkak të asaj që thashë. Pastaj pasoi reagimi i tij me nervozizëm”, ka thënë Kurti.  Ndërsa në lidhje me taksën po i bëhet apo jo presion për heqjen e saj, Kurti ka thënë se “do ta heqin taksën sapo të zbatojmë reciprocitetin me Serbinë, si një parim të mirë për marrëdhënie konstruktive fqinjësore”./abcnews.al

Screenshot_1-9.png
R D17:38 | 14/02/2020

Kosova dhe Serbia kanë nënshkruar në Mynih të Gjermanisë dy letra të shprehjes së interesit, për autostrada dhe për hekurudha, ku të dyja vendet shprehin gatishmërinë për hapjen e rrugëve ekzistuese, por edhe për ndërtimin e rrugëve të reja që lidhin dy shtetet me rajonin dhe me BE-në.

President i Kosovës, Hashim Thaçi është shprehur se “ky është mesazhi më i mirë që rajoni do të ketë më tepër paqe, zhvillim ekonomik, vende të punës atë që i duhet njerëzve në Kosovë, në Serbi dhe tërë Ballkanin Perëndimor”.

Ndërsa Presidenti i Serbisë, Aleksandër Vuçic, tha se “marrëveshjet që janë nënshkruar janë domethënëse për shkak të lirisë së lëvizjes, lëvizjes së mallrave, kapitalit, shërbimeve dhe njerëzve”.

Ndërsa ambasdori Grenell ka thënë se marrëveshjet janë nënshshkruar falë direktivave të qarta të Presidentit Donald Trump.

Richard Grenell, I dërguari i SHBA-së për dialogun Kosovë Serbi tha se “tani kemi dy marrëveshje më shumë dhe ajo që unë kam biseduar me të dy presidentët është që të përqendrohemi sa më shumë në zhvillimin ekonomik”.

Kryeshefi ekzekutiv i hekurudhave të Kosovës Agron Thaçi ka thënë se Kosova është e gatshme për linjën hekurudhore Fushë Kosovë-Mitrovicë Leshak-Beograd ndërsa për linjën tjetër hekurudhore Prishtinë-Merdare-Beograd nevoitet investim i tërësishëm i infrastrukturës hekurudhore.

Linja hekurudhore Prishtinë Beograd ishte ndërprerë gjatë luftës së fundit në Kosovë për tu rivënë në funksionë menjëherë pas luftës deri në Leshak kufi me Serbinë nën administrimin e UNMIK-ut për tu ndërprerë sërish në vitin 2008 kur edhe u shpall pavarësia e Kosovës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono