Loading ...
Një gjeneral iranian ka akuzuar SHBA se është e dëshpëruar për një armëpushim.
Gjeneralmajor Abdollahi është midis atyre nga Teherani që shprehin kërcënime kundër SHBA, shkruan Sky News.
Në komentet e raportuara nga media shtetërore iraniane, gjenerali pretendoi se SHBA dhe Izraeli ishin të dëshpëruar për një armëpushim.
“Forcat e armatosura nuk do të lejojnë që presidenti gënjeshtar dhe iluzionist i Shteteve të Bashkuara të shfrytëzojë heshtjen në fushën e betejës, veçanërisht në lidhje me menaxhimin dhe kontrollin e Ngushticës së Hormuzit – për t’u angazhuar në abuzime ose rrëfime të rreme dhe mashtruese rreth situatës në terren, dhe ato do t’i përgjigjen në mënyrë të përshtatshme çdo shkeljeje të angazhimeve”, tha ai.
Më herët, Gholamhossein Mohseni Ejei, kreu i gjyqësorit të Iranit, tha se Teherani duhet të “ruajë gatishmëri 100%” në rast se SHBA-të nisin sulme të reja./abcnews.al
