Loading ...
Presidenti libanez, Joseph Aoun thotë se negociatat e ardhshme me Izraelin janë “të ndara” nga bisedimet e paqes SHBA-Iran, ose “çdo negociatë tjetër”.
Në një deklaratë për X, Aoun thotë se Libani do të përfaqësohet në bisedimet e ardhshme nga një delegacion i udhëhequr nga Simon Karam, ish-ambasadori libanez në SHBA, dhe se “askush nga Libani nuk do të marrë pjesë në këtë mision ose ta zëvendësojë atë”.
Ai thotë se objektivat e bisedimeve janë të “ndalohen veprimet armiqësore”, t’i jepet fund “pushtimit të zonave jugore” të Libanit nga Izraeli dhe të vendoset ushtria e Libanit deri në “kufijtë jugorë të njohur ndërkombëtarisht”, shkruan BBC.
Presidenti i SHBA-së, Donald Trump, ka “shprehur mirëkuptim të plotë” për kërkesat e Libanit, thotë Aoun, dhe ka ndihmuar në përgatitjen e negociatave të ardhshme.
“Kam shpresë të plotë se do të jemi në gjendje ta shpëtojmë Libanin”, shton ai.
Pavarësisht njoftimit të një armëpushimi midis dy vendeve, Benjamin Netanyahu i Izraelit ka thënë se trupat izraelite do të mbeten të stacionuara 10 km thellë në Libanin jugor./abcnews.al
