Loading ...
Denis Meçe është arrestuar nga Policia e Pogradecit, pasi dyshohet se ka shkelur masën e sigurisë “arrest në shtëpi”, të caktuar nga gjykata.
Sipas burimeve, Meçe është konstatuar rreth 300 metra larg banesës së tij, teksa po kthehej në shtëpi. Lëvizja e tij dyshohet se është në kundërshtim me kufizimet e vendosura nga masa e sigurisë.
Denis Meçe është një nga të pandehurit në procesin gjyqësor për vrasjen e Egli Progës, ngjarje që tronditi opinionin publik në Pogradec.
Meçe, së bashku me të pandehurit e tjerë në këtë çështje, ndodhej nën masën e sigurisë “arrest në shtëpi”.
Arrestimi i tij vjen pas dyshimeve për shkeljen e kushteve të masës së sigurisë, ndërsa pritet të ndiqen procedurat përkatëse ligjore lidhur me këtë rast
