Policia gjermane ka arrestuar 17 persona për komente antisemitike në rrjetet sociale dhe sepse kanë festuar sulmet e Hamasit ndaj Izraelit. Sipas policisë bavareze, të dyshuarit janë nën hetim penal për nxitje, duke përdorur simbole të organizatave terroriste të ndaluara dhe për miratim të akteve kriminale me postimet e tyre në mediat sociale.
Të dyshuarit janë dy gra dhe 15 burra të moshës 18-62 vjeç, sipas autoriteteve. Policia tha se mori në pyetje të dyshuarit dhe sekuestroi prova, duke përfshirë celularë dhe laptopë, gjatë bastisjeve në Mynih dhe në Bavari.
Një tjetër i dyshuar thuhet se postoi në llogarinë e tij se “djemtë hebrenj” nuk meritojnë asgjë më shumë se të masakrohen” dhe shfarosen”.
Postimi përfundoi me sloganin “Liri Palestinës”.
Sipas policisë, një tjetër i dyshuar postoi një imazh të Hitlerit pak pas 7 tetorit me mbishkrimin: “Unë mund t’i vras të gjithë hebrenjtë, por i lashë disa të jetojnë për t’ju treguar pse i vrava”.
Pranë tij ishte një flamur palestinez, me mbishkrimin “Liri Palestinës” dhe një emoji me shenjën e fitores.
“Për fat të keq, antisemitizmi karakterizon jetën e përditshme të shumë hebrenjve në Gjermani. Sulmi terrorist i Hamasit kundër Izraelit ka gjithashtu një ndikim në jetën e tyre në Gjermani,” tha Michael Ëeinchirl, komisioneri i policisë bavareze përgjegjës për hetimin e krimeve të urrejtjes.
“Është e rëndësishme t’u tregojmë hebrenjve dhe izraelitëve se ne i mbështesim ata këtu në Bavari, se ne i mbrojmë ata këtu dhe gjithashtu i mbrojmë nga armiqësitë,” theksoi Weinchirl.
/abcnews.al
