Regjisori i njohur, Piro Milkani, krijuesi i mbi 20 filmave artistik nderohet nga Ministria e Kulturës me medaljen “Ambasadori i filmit shqiptar”. Ky vlerësim i vjen pas çmimit të rëndësishëm në Çeki “Njeriu i përkushtuar”. Për ABC News kineasti thotë se ndihet mirë që ngre siparin e kësaj medalje, por shpreson që të mos abuzohet si me medaljet “Nderi i kombit”.
Kineastit Piro Milkani, pas vlerësimit me çmimin e mirënjohjes në Çeki, si “Njeriu i përkushtuar” që u është dhënë vetëm 14 personaliteteve nga e gjithë bota. Vjen edhe nderimi nga Ministria e Kulturës me medaljen e mirënjohjes “Ambasador i filmit shqiptar”.
Në këtë ceremoni u shfaq edhe realizimi i parë filmik i Milkanit “Motiv i kotë”, për të cilin thotë se ishte surprizë edhe për të. Ai na rrëfen se jetoi nostalgji pasi u kthye 60 vite pas.
Në ceremoninë e nderimit në mjediset e Ministrisë së Kulturës ish-ambientet e Kinostudios ku regjisori ka kaluar një pjesë të mirë të jetës morën pjesë të afërm, miq, artistë, ambasadori çek në Tiranë, bashkëpunëtorë dhe ish-studente të Pragës./ABC News Albania 24/7
