Loading ...
Në një rrëfim ndryshe përtej mantelit të drejtësisë në emisionin “Summer Time Show”, avokati i njohur Saimir Vishaj tregoi se si ëndrra e tij e hershme për aktrim e ka ndihmuar të arrijë një sukses prej 80% të çështjeve të fituara.
Ai ndau detaje mbi natyrën e tij me humor në jetën e përditshme përkundrejt seriozitetit që i kërkon profesioni, si dhe përvojat e veçanta me kategori të ndryshme klientësh. Pavarësisht se e konsideron periudhën aktuale si më të vështirën, Vishaj u shpreh se ka ende shumë për t’i dhënë avokatisë.
“Kjo është veshja ime e përditshme. Pasi gjyqet e mia janë në 12 muajt e vitit dhe jam në gatishmëri. Unë jam një njeri i qetë, më pëlqejnë batutat, më pëlqen humori, por me punën që bëj jam i kundërti, sepse puna më bën të jem më serioz. Hajdutët gjithmonë janë në mohim të veprës penale, kurse femrat janë më delikate, shfrytëzim prostitucioni, ose ndonjë vrasje për tradhti bashkëshortore.
Për të gënjyer dhe tradhtuar femra është më ndryshe. Kam pasur motrën që ka dashur që të bëhesha artist, edhe pse shkova në Liceun artistik, por nuk fitova. Megjithatë unë e dashur avokatinë. Kam akoma për t’i dhënë avokatisë edhe pse pon jetojmë ditët më të vështira. 80% çështje i kam të fituara. Aktrimi që kam pasur ëndërr më ka ndihmuar shumë në këtë fushë”, rrëfeu avokati.
