Përplaset në Hënë anija izraelite

schedule08:46 - 13 Prill, 2019

schedule 08:46 - 13 Prill, 2019

Misioni i parë i Izraelit në Hënë i financuar privatisht është përplasur në sipërfaqen e satelitit të Tokës pas një defekti në motorin kryesor të tij.

Anija izraelite e quajtur Beresheet pësoi problem teknik gjatë zbritjes sapo iu afrua sipërfaqes së Hënës. Qëllimi i misionit ishte marrja e fotove dhe kryerja e eksperimenteve. Izraeli shpresonte të bëhej vendi i katërt që do të ulte një anije hapësinore në Hënë.

Vetëm agjencitë hapësinore qeveritare nga ish-Bashkimi Sovjetik, SHBA-ja dhe Kina kanë bërë ulje të suksesshme në Hënë.

Kryeministri Benjamin Netanyahu, që shikonte nga dhoma e kontrollit afër Tel Avivit, tha: “Nëse nuk ia dilni mbanë me përpjekjen e parë, ju do të vazhdoni të përpiqeni sërish”.

Ende nuk ka të dhëna rreth astronautëve të cilët udhëtonin me këtë anije, nëse do të arrijnë të kthehen në tokë! Beresheet ishte një projekt i përbashkët midis “SpaceIL”, një organizatë jofitimprurëse izraelite dhe Industrive Hapësinore të Izraelit.

Klan Plus