Një ngjarje e rëndë është regjistruar në Francë gjatë mëngjesit të së premtes. Mësohet se dy helikoptërë ushtarakë të shkollës së trajnimit janë përplasur në rajonin juglindor Var duke shkaktuar viktima. Një zyrtar i ushtrisë franceze ka konfirmuar se 5 persona kanë humbur jetën në aksidentin ajror. Mediat shkruajnë se nuk ka detaje të menjëhershme lidhur me shkakun e përplasjes. Autoritetet kanë hapur një hetim për zbardhjen e ngjarjes. Ndërkohë, ekipet e shpëtimit po kërkojnë dhe për një persona të gjashtë, i cili gjendej në njërin prej helikopterëve të rrëzuar. Kjo lë të kuptohet se bilanci i viktimave mund të rritet ende./abcnews.al
