Kosova mbush 15 vjet shtet i pavarur. Ky mëngjes i 17 shkurtit ka sjellë një fluks të jashtëzakonshëm automjetesh nga Kosova drejt Shqipërisë.
Të shumtë janë qytetarët nga Kosova që kanë zgjedhur Shqipërinë për përvjetorin e pavarëisë, duke e kthyer 17 shkurtin në festë kombëtare. Për shumë prej tyre destiancion në këtë ditë mbetet Tirana.
“Gëzuar pavarësinë, do të festojmë në shqipëri. Po dalim pa me vizitu tiranën.”
Radha e automjeteve në Morinë dhe Rrugën e Kombit ishte e gjatë që në orët e para të mëngjesit. Nga ana tjetër, policia kufitare ka zbatuar protokollin e kalimeve pa kontrolle për shkak të këtij fluksi duke shmangur radhët në kufi.
Më 17 shkurt të vitit 2008, Kuvendi i Kosovës shpalli njëzëri Kosovën shtet të pavarur sovran dhe demokratik.
