Para paradës në ditën Kombëtare të Francës, ushtari propozon të dashurën, shpërthejnë duartrokitjet

Një ushtar i ri francez ka zgjedhur një mënyrë brilante për t’i propozuar të dashurës së tij pak para fillimit të paradës ushtarake tradicionale në Chapms Elysees në përvjetorin e rënies së Bastille.

Video e këtij momenti romantik po bën xhiron e rrjetit. Kur ushtari merr “Po” nga partnerja e tij heq maskën e zezë dhe e puth atë.

Të pranishmit, shumica e të cilëve ushtarë nisën të duartrokisnin çiftin duke i uruar jetë të lumtur.

“Ishte një propozim martese që do të jetë i paharrueshëm”, komenton gazeta franceze “Le Figaro”. “Urimet tona”, uroi ushtria franceze çiftin në llogarinë e saj në Twitter.

Momenti i veçantë u nda edhe nga presidenti francez Emmanuel Macron në llogarinë e tij në Twitter. m.v/abcnews.al

Tous mes vœux de bonheur ! https://t.co/2fzAZaAYwP

— Emmanuel Macron (@EmmanuelMacron) July 14, 2021