Paketa e dytë e rezistencës sociale është më shumë politike se ekonomike. Ekspertët argumentojnë se në vlerë absolute ajo është pothuajse 50% më e vogël se e para dhe nuk përmbush kushtet për të nxitur konsumin. Këto masa sipas Eduard Gjokutaj janë të pamjaftueshme dhe të rrezikshme pasi ndikojnë direkt në ecurinë ekonomike.
Indeksimi me 6% për 674 mijë pensionistë sipas Gjokutaj nuk justifikon rritjen çmimeve në në një kohë që inflacioni ka arritur 8% në korrik.
Rritjen e pagës minimale nga 32 në 34 mijë lekë e vlerëson si një kosto shtesë për bizneset në një moment krize.
Që nga muaji tetor qeveria ka vendosur që të indeksojë pagat, pensionet dhe të rrisë me 10% e ndihmën ekonomike për shtresat në nevojë si një masë për të përballuar krizën e rritjes së Çmimeve. /abcnews.al/
