Loading ...
Ish-ministri në Maqedoninë e Veriut, Xhelil Bajrami, ka komentuar protestat e zhvilluara në Shqipëri, duke u shprehur kundër përdorimit të dhunës dhe duke theksuar se zgjidhja e situatës duhet të jetë politike.
Bajrami shtoi se opozita duhet të mbante një qëndrim të qartë kundër dhunës, pasi ajo dëmton Shqipërinë dhe sjell në kujtesë periudhën e vitit 1997, si dhe pasojat që pati atëherë për shtetin shqiptar.
Bajrami shprehet se ngjarjet dolën jashtë kontrollit dhe se protesta në bulevard u nda vetëm nga pak minuta nga një skenar shkatërrues. Bajrami tha se zgjidhja e vetme është politike.
Në përfundim, ish-ministri shprehet kundër idesë që kryeministri Edi Rama të mendojë dorëheqjen në këtë moment, duke argumentuar se një vendim i tillë mund të konsiderohet si tradhti. Megjithatë, ai nënvizon se Rama duhet t’i dëgjojë protestuesit dhe t’u përgjigjet kërkesave të tyre.
“Ajo protestë nuk arriti të jetë magnet për qytetarët, u izolua me disa njerëz dhe grupet. Ajo protestë u shua. Protesta e 15 ditëve të fundit është një protestë e quajtur studentore, por është mikse. Nuk bie dakord me përdorimin e dhunës, institucionet shtetërore, partitë politike.
Le Pen në Francë, liderja e opozitës, nuk ishte mbështetëse, edhe në Itali. Në Shqipëri kam pritur që opozita të jetë kundër dhunës. Dhuna e dëmton Shqipërinë, e kthen në ’97 dhe memoria e shqiptarëve dhe rrënjës së shtetit, pasojat janë.
Situata doli jashtë kontrollit, sepse edhe policia nuk ka pasur një eksperiencë të tillë. Ka qenë një organizim i çorganizuar. Edhe policia u gjend në një situatë të paimagjinueshme. Protestën në bulevard, pak minuta e kanë ndarë nga një revolucion shkatërrimi. Minuta e kanë ndarë që të dorëzohet policia dhe që nga ai moment policia ka një qasje tjetër, dhe e vetmja zgjidhje është politike.
Kërkesat kanë qenë politike. Jam kundër që Rama ta mendojë dorëheqjen në këtë moment historik, llogaritet si tradhti. Duhet të dëgjojë protestuesit.” / abcnews.al /
