S’ndalen rekordet, 301 raste me Covid, rritet numri i viktimave, ulet i të shëruarve

schedule16:07 - 20 Tetor, 2020

schedule 16:07 - 20 Tetor, 2020

Në 24 orët e fundit në Shqipëri janë shënuar 301 raste me koronavirus, 4 viktima dhe 58 të shëruar. Në krahasim me ditën e djeshme, sot janë bërë më pak testime, 1407, teksa dje ishin 1413, ndërsa janë shënuar më shumë raste, si asnjëherë tjetër më parë 301 brenda 24 orëve.

Po ashtu sot kemi një viktimë më shumë se dje. Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 56 vjeçare nga Fieri, një 60 vjeçare nga Lezha, një 69 vjeçare nga Tirana dhe një 73 vjeçar nga Korça.

Ndërkohë që janë shëruar 58 qytetarë (dje ishin 96 qytetarë), duke e çuar në 10225 numrin e të shëruarve në vend që prej fillimit të epidemisë. Aktualisht në spitalin Infektiv dhe “Shefqet Ndroqi” po trajtohen 255 pacientë, 22 në terapi intensive nga të cilët 5 pacientë janë të intubuar.

Ministria e Shëndetësisë dhe Mbrojtjes Sociale u drejtohet me një thirrje secilit prej jush “Tregoni kujdes me respektimin e rregullave sepse shkujdesja e vërejtur favorizon përhapjen e virusit, i cili po prek çdo moshë, pa dallim.

Përdoreni maskën kudo në ambientet jashtë shtëpisë, ruani distancën dhe kujdesuni për higjienën. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.

Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19”.

Rastet pozitive të konfirmuara në 24 orët e fundit janë identifikuar në këto bashki:

144 raste në Tiranë, 30 raste në Korçë,

27 raste në Fier, 26 raste në Vlorë,

12 raste në Berat, 10 raste në Elbasan,

7 raste në Durrës, 6 raste në Gramsh,

5 raste në Patos, 4 raste në Kavajë, 3 raste në Dibër, Roskovec,

2 raste në Shkodër, Devoll, Has, Mallakastër, Sarandë, Tepelenë, Klos, Skrapar, Ura, Vajgurore.

1 ras në Krujë, Kamëz, Gjirokastër, Pogradec, Bulqizë, Memaliaj.

COVID-19 – Statistika (20 Tetor 2020)

Raste të reja ditore                        301

Të shëruar ne 24 orë                     58

Humbje jete në 24 orë                 4

Testime ditore                                1407

Testime totale         1515782

Raste pozitive          17651

Raste të shëruara    10225

Raste Aktive              6968

Humbje jete              458

Shpërndarja gjeografike e rasteve aktive sipas qarqeve:

Tiranë        3430

Durrës       700

Shkodër    473

Fier            444

Korçë        432

Lezhë        349

Elbasan     293

Vlorë         270

Berat         215

Kukës        176

Dibër           91

Gjirokastër  86

 

db/Abcnews.al